ف الدوامة انا و بلف
بشر جواها و ناس تاهت
حكاوى ياما و منتهتش!
قولت لدوامتى ان انا همشى دلوقتى
بس هصفى حسابات
حلل الى فات
إلحق كلم الإسعاف
فيه حد ف قلبى مات!
من يومها ما جالى توق
قافل بيبان الشوق
بَسكِت ف دماغى صوت
بيتكلم ف ودانى ب تون يا حبيبى قال
يوم ورا يوم
ما جالى نوم ولا يوم!
إدينى دوز ورا دوز
أخدر خوفى م اللوم
أقتل خوفى م الوحدة
لا أحتاج دول ولا دول
كلهم فترة جوا رحلة
و ماشيين دور ورا دور!
و مبتفرقش و زى ما هى
و الموجة بتمشى زى ما هى
و النار دى قايدة مبتطفيش!
ف الدوامة انا و بلف!
بشر جواها و ناس تاهت
حكاوى ياما و منتهتش!
تحس إنى كان لازم أغرق
علشان أفهم
قد إيه أفكارى الى أذيتنى كانت تافهة!
الدوامة كانت ف دماغى و خوفى الى خلقها
عدوك هو نفسك
انت الى مش مدقق
باخد المجازفة
(طاقة غضب ناسفة)
(كانت فيا ماسكة زى المتلازمة)
(كانت واخدانى و نازلة)
(و انا كان لازم أسبق)
ف الدوامة انا و بلف!
بشر جواها و ناس تاهت
حكاوى ياما و منتهتش!
