لما انت لسه بتتوجع وتخبي في الليل عتمتك
والصمت بقي نص اعتذار للمبطوشين من قسوتك
بتحب عمتك علشان شبه جدك كتير
وان احسن وقت عندك وانت مقتول علي السرير
عندك جناح ريشوا اتقصف بالتالى ماعرفتش تطير
وحاجات كتير بوقعك وكبرت على انك تعيط
على حاجات ومحدش يسمعك
شبه العرايس دون شعور بيحركك خيط للجاي
وبيسحبك للفرح مرة والف مرة بيوجعك
اد ايه الدنيا كواليس مسرحية وايفيهات
اد ايه الناس هناك بيستخفوا يتفرجوا
على شكل جرحك وانت بتعيط عليه حتى الممات
تضحك انت فتتفهم اراجوز فى وسط كوميديانات
بتصغلهم شكل الحاجات بضمير ضرير وتخففوا
الان ادرك ان الهامى عجوز والقلب في صدري عجوز
والليل كهل كاحل العينين لون لا يجوز
طفل يلود بسكره وسط النهار هل كان يسال فى المساء لما يلود
ذنب يواري سوئتى عشق بقلب لا يفوز
هل كنت وقت الفجر تعلم ان يوما ما سترحل
لو كنت تعلم ما خفى ما كنت بجلت الكنوز
وانا مش كوميديان مبتدأ ولا حد بيصيغ الكلام
من باب محاولات الهروب
انا بس حد بنص فوبيا وخايف انه يتسحب من تانى
عبد فى وسط ميادين الحروب
بشتم غبائكوا فتضحكوا وتشيروا وتتاثروا بالعمق
بنهد الكيان وبنبنى على الانقاض دروب
انا مش حزين انا مفتعل تحت عينى اسود زعل
قلبي الحزين خبطوا الهوى فارتاح لكون شكله اشتعل
محتاج علاج تطرح امل محتاج امل ايه العمل
غربان بتهرب من السحاب علي الفزاعات
وعيال بتترمي بعياط تحت عجلات الزمن
مفيش غريب بقي يؤتمن بالتالى نلجأ للغريب
ناخد الضرب برضي ونقول هنعمل ايه نصيب
مفيش مكان ينفع ملاذ نهربله واحنا بنبتسم
مفيهاش فى حسابتنا البشر من بين عدو وبين حبيب
مجروح فى سن العشرينات ومعبي دوشة وكركبة
مخلوط بلون هم الحياة عدى الزمان بيه سرسبة
محتاج ونس ومفيش ونس والليل كنس ايامة كنس
مستنى يخفي العتمة شمس او ايد يدوقها الطبطبة
وعجبي
