آه يا عمري ويا ويلي عليك

لو ثمنك بماء عيوني بشتريك

كيف تسألني أبيك أو ما أبيك؟

إيه أحبك وأعشقك وأموت فيك

ما أبي غيرك أبد أنت ما مثلك أحد

لو تبي روحي بعد روحي ما تغلى عليك

ما تغلى عليك

لا تشكك في غلاك وفي وفاي

شوفني خليت ها الدنيا وراي

ما أبي غيرك ولا غيرك مناي

الحياة اللي أبيها في إيديك

في عيونك سحر وفي ثغرك رحيق

وفي ضميري لك من اللهفة حريق

لو تخليني وأنا نصف الطريق

راح كل العمر في الدرب أحتريك

راح كل العمر في الدرب أحتريك

من غلاك ومن هواك، من هواك ومن حلاك

ودي أقضي عمري الباقي، الباقي معاك

لو طريقك موحش وجمر، وجمر وهلاك

ودي أمشي في الطريق اللي، اللي يجيك

مستحيل أقبل بغيرك مستحيل

جل من سواك يا الوجه الجميل

أنت ما مثلك بخلق الله مثيل

ولا بديل ولا شبيه ولا شريك

ما أبي غيرك أبد أنت ما مثلك أحد

لو تبي روحي بعد روحي ما تغلى عليك

ما تغلى عليك

أدري إنك وافيً سر وجهار

وأدري إنك واضحً وضح النهار

بس قلبي لا تلومه لو يغار

غيرتي من حرصي وخوفي عليك

لا تعذر يا حبيبي بالظروف

ولا يردك من لقا الأحباب خوف

ولا تخلي فرصة اللقيا تطوف

لآخر أنفاسي على الوعد أحتريك

لآخر أنفاسي على الوعد أحتريك