AK49
صدقنــي
أيام الدنيا أحلى من أحلام الأغاني
فيها الشارع و بيتنا و الحب الأولانـي
أيام الدنيا أحلى من أحلام الأغاني
فيها الشارع و بيتنا و الحب الأولانـي
و فيها اتربى قلبي في حضن الناس حبايبي
إسمعنــي
حلوة الأحلام حقيقي ، معلشي يا حبيبي
حلوة الأحلام حقيقي ، معلشي يا حبيبي
لكن ما بين طريقي و بينها بر تاني
و بحور هايجة و غريقة
و أنا مانيش جريئة
و السكة مخوفاني
أيام الدنيا أحلى من أحلام الأغاني
فيها الشارع و بيتنا و الحب الأولانـي
إفهمنــي
إمبارح كنت جمبي في الغنواية الجميلة
إمبارح كنت جمبي في الغنواية الجميلة
قلبك بستان و قلبي عصفور ساكن خميلة
و صحيت على الحقيقة
بعد الغنوة الرقيقة
لقيتني بعيدة عنك
و الغربة مسهراني
أيام الدنيا أحلى من أحلام الأغاني
فيها الشارع و بيتنا و الحب الأولانـي
كلمنـــي
إيه رأيك يا حبيبي ولا انت مش معايا
إيه رأيك يا حبيبي ولا انت مش معايا
الحلم بدايته رحلة لكن إيه النهاية ؟
صدقني الدنيا أجمل من حلم يموت و يدبل
و حتى يوم ما يصدق
يصدق مع حد تانـي
