سافر البومبي وخلاني أعاني
رايح وغادي على درب المليحة
المحب اللي في قلبي له مكاني
ما يبدله الزمان ولا يميحه
أتلذذ بسمته واييه عاني
يبهج الخفاق له نفس شريحه
أعشقه وأهواه من أول زماني
له مودة داخل فؤادي صريحة
له ثمان يا أحلى ذيك الثماني
هي علاج القلب والروح الجريحة
وله معنق مثل ما عنق الدماني
وله عيون الباب قلبي تستبيحه
نفحته نرجس وفل وزعفراني
أو دهن عودٍ على جيده يسيحه
لي شراته ما خلج في الناس ثاني
في هواه النفس فرحى مستريحة
همت به
همت به هوم المحب المولهاني
طايرٍ به في سماء الدنيا الفسيحة
يا خسارة راح وأجفاني ونساني
والله إنه يا عرب أكبر قميحة
سافر البومبي وخلاني أعاني
رايح وغادي على درب المليحة
المحب اللي في قلبي له مكاني
ما يبدله الزمان ولا يميحه
ما يبدله الزمان ولا يميحه
