الموظفين
كلمات: بديع خيري
ألحان: سيد درويش
غناء: إيمان البحر درويش
هز الهلال يا سيد
كراماتك لأجل نعيد
كورال
يكفى اللي حصل
كام يوم ووصل
بقى زرع بصل
هديت واهو راق الحال
ورجعنا للأشغال
كورال
ده الموظف منا مش وش خناق ولا شومه
لما يحمر عينه ولا يقومله قومه
حد الله ما بينا وبينك غير حب الوطن يا حكومه
موسيقى
عشرين يوم راحوا علينا
انشالله ياخدوا عنينا
كورال
بس المقصود
يبقالنا وجود
والدنيا تعود
ياما شفنا م الستات
طلعوا وعملوا مظاهرات
كورال
والكناسين روخرين راسهم وألف مقشه
لا يكنسوا كنسه ولا يروشلنا رشه
والصنايعيه راحوا جايبين ضلفة أحسن ورشه
موسيقى
الغلب اللي شاربينه
ياريت العالم شايفينه
كورال
دي ماهية إيه
الكام جنيه
يا خواتي بوريه
من خمسه منه تروح
وبقيته تقول أبوح
كورال
وبسلامتها الست بتاعتي ما بتتوصاشي
ولا بتجبليش في البطن الا بالجوز ع الماشي
وييجي الجزار والخضري والبقال يلعنوا ابو خاشي
موسيقى
مستخدم الايام دي
ذمه مفيش انضف من دي
كورال
بلسانسيهات
وبدبلومات
يرطم بلغات
في الشغل يا سيدنا البيه
تمانين ما يجيبوا ايديه
كورال
مفيش انا أسفأناكم زي ما انت راسي
ما احناش حبة بلاليص حطينها فوق الكراسي
بكره المولى يعدلها وف الدنيا عمرك ما تقاسي
موسيقى
هز الهلال يا سيد
كراماتك لأجل نعيد
هز الهلال يا سيد
كراماتك لأجل نعيد
يكفى اللي حصل
كام يوم ووصل
بقى زرع بصل
هديت واهو راق الحال
ورجعنا للأشغال
كورال
ده الموظف منا مش وش خناق ولا شومه
لما يحمر عينه ولا يقومله قومه
حد الله ما بينا وبينك غير حب الوطن يا حكومه
مع تحياتي.. محمود عيسى
