الا يامال فرقا العين .. الا يامال فرقا العين
يابعِد الفرق بين الناس ياخلاق ياكافي
الا يامال فرقا العين .. الا يامال فرقا العين
يابعِد الفرق بين الناس ياخلاق ياكافي
خطاة الزول صوره يحسب الجمعه ضحى الاثنين
يغر الأجنبي زوله وفي ملبوسه الضافي
فلا منك قرعت زناد عِرفه مع هَلَ التثمين
لقيته عملةٍ ما تندرج مع كل صرافي
يحسب إن الهوى خبلان قضبك مفرع السوقين
يعَقّب له ثلاث وجاب يذري فوقه السافي
هبيل افواد يمرح له بعِنَّة لابةٍ سارين
تكوبع في عباته وانسدح والهجن زلافي
ألا ياتابع المقفين تتبعهم وهم مقفين
نقاصة عقل ياللي تتبع اللي معطين قافي
ربيعٍ ما تذوق احماه لو يذكر نباته زين
فهو من حظ غيرك فيه له مربع ومصيافي
ورى ما تعتبر يادباشه والا الذهين ذهين
يقيسك في طرف حبله وياخذ سدك الخافي
ترى درب الشكاله والسعاده صد عنك يمين
حشا لله ما تارد وتشرب مشربٍ صافي
يقوله واحد راضٍ على الاقصين والادنين
وكل هلال لابده بيكبر ثم ينشافي
يابعِد الفرق بين الناس
يابعِد الفرق بين الناس
يابعِد الفرق بين الناس ياخلاق ياكافي
