Ee.... mak kemano yeh.

Oi ibo nian bunyinyo elang

Ujung tanjung di kayu aro

Lah tuo badan yo dek membujang

Didalam kampung... mak idak baguno.

Eee mak ke mano yeh.

Padi payo padi talang

Dimakan burung kinilah ampo

Kanti sepayo sepambujang

Itung itung.. mak la kawin galo

Eee mak kemano yeeeeh

Mbah jarot bangko

Eee mak kemano yeh

Babungo nalu ditengah laman

Nalu tmbuh didahan palo

Eraso malu turun kulaman

Badan di sebut.. mak, si bujang tuo

Ee mak ke mano yeh

Jarang ka umo sejak kepelak

Umo teletak dimudik ulu

Numpang butanyo pado dunsanak

Apo sebab mak aku dak laku

Eee mak kemano yeeeeh

Salam da mbah jarot

Eee mak kemano yeh

Hendak kumano kudayung biduk

Badai ombak begulung ketepi

Apo dek karno badan ku buruk

Pandailah idak.. mak, samo yo kanti

Ee mak ke mano yeh

Mati rotan kini dirumpun

Api batiup memanggang umo

Abih bulan buganti tahun

Abih larut mak, dimakan maso.

Ee mak ke mano yeh