Voice Akting Betawi – (Bang Benz,
Ida, Nyakk & Babeh nye Ida)
Tema: Apel Malem Minggu
Nyokk.. kita angkat budaya
daerah lewat berkesenian!
Selamat Berakting!
KARAKTER PERAN:
Bang Benz: Cowok Betawi
Mpok Ida: Cewek Betawi
Cang Arif: Babeh nye Ida
Cing Uwok: Nyakk nye Ida
(Situasi di Rumah Ida, Bang
Benz datang Apel Malem Minggu)
Dialog:
Bang Benz: “Da… Ida…! Abang
datang nih’ udeh kangen sama
Ida.. mau Apel! (cengegesan
cengar cengir khasnya bang Benz)
Ida: “Yeh… Si Abang, kenapa datengnye
malem bener sih..?! “Jam Segini baru
nonggol.. uhhh! (muka khawatir)
Bang Benz: “Duh.. my darling! Maaf
deh yehh.. Soalnya tadi opletnye
abang mogok di jalan! Jadi Abang
terpaksa deh jalan kaki kemari demi
Ida Nih’ Abang ampe keringetan
begini.. hadoohh…(sambil buka baju
kipas kipas badannya yang apek keringat)
Ida: ‘Ih.. bau! (Sibuk nutupin idung
kebauan) “Bukan ape ape bang! Masalahnye
bentar lagi Nyak Babeh Ida waktunya
pulang nih!’ (pasang muka khawatir)
Bang Benz: “Ah.. Sial! (melonggo)
“Emang Babeh lo lagi kemane?!
Ida: “Pan lagi pade kondangan
Bang! Ade Nyang hajat sunatan!
Bang Benz: “oh..! Kenapa Babeh
lo gak ikut sunatan lagi ajah
sich sekalian biar lamaan dikit
perginye..! (masih cengegesan)
Ida: “Idih.. Abang apaan sih! Masa
Babeh mau di sunatin 2X sich!
Bang Benz: Hahaha.. Yeh.. kali
biar Babeh lo kagak ganas lagi sama
gue! (ketawa lagi khas bang benz)
Ida: “Eh… emangnye Babeh Aye
ternak! Pake di kebiri segala
biar gak ganas! (merajuk)
Bang Benz: “Iyeh..Abis babeh lo kalo
liat gue hawa nye mau nerkem mulu
sih! Udeh kayak Doberman! (nyengir)
Ida:”Eh..Bang! Babeh Aye mah
keliatannye ajeh galak! Tapi
sebenernye mah’ ati nye sih Baek!
Bang Benz: (Nyengir gegerutu di
belakang)”Huh..Baek pala lo bau
menyan! Kalo gue kagak liat anak
nye bening begini juga gue juga
ogah dah urusan sama adukan semen!
(Sementara Situasi di luar…)
Babeh:”Waduuhh.. Bu! Lampu Rumeh
masih nyala tuh! Ada tamu ape
yehh..? Si Ida belon tidur!
Nyak: (Melonggo) “Hah.. tau dah
tuh! Coba di cek pak..! Ada sepatu
laki tuh di teras! (bergegas)
Babeh:”Waduhh.. iyeh.. kenapa kerdus
sepatu si Pengki ada dimari nih!
Babeh:”Hah! (masuk kaget liat Bang
Benz di rumah nye tanpa kaos) “Eh..
Bangsat! Pengki! (teriak) Ngapain lo
malem malem begini kelayapan di rumah
gue huh! Mau nyatronin si Ida yeh
anak perawan gue! Kurang Ajar lo yeh!
Nyak:”Hah…Astagee! Brengsek!
Lo apain si Ida huh?! Malem
malem di mare! Pake gak di baju
segale huh! Ida..! sini lo..!
Ida:”Aduhh.. Nyakk Babeh..! Pake
teriak2! Bentar sabar, sabar dulu napa!
Bang Benz: (Wadooh.. ini kantong semen
kenapa udah pada nongol sich)”Eh… ada
Encang Encing.. baru pulang yeh..” masuk
deh, aye juga baru ajeh duduk nih’
lagi ada perlu sama Ida! (cengegesan).
Babeh:”Eh..masih berani lo sama
gue! Kagak pake banyak alesan! Lo
sekarang juga keluar dari rumah gue!
Gue gak sudi liat tampang rusak lo!
Nyak:”Ida..kenapa lo kasih masuk
nih kadal rawa huh!’Lo tau jam berapa
nih?! Kagak baek lo perawan!
Ida:”Duh.. Nyakk..Babeh..Pegi mane
sih’ Bang Benz kan udeh jauh2
datang buat aye, kasian kan sampe
jalan kaki kemari gare gare oplet
nye Mogok Beh! Masa di usir sih!
Bang Benz:”Bener kate Ida Cang
Cing, Aye gak bo’ong koq! (nyengir)
Babeh:”Ahh.. Gue kagak Peduli! Gue
eneq liat tampang nih Kadal kagak tau
diri! Nyari penyakit lo sama gue hah!
Keluar lo! Pegih gak lo sekarang!
Bang Benz:”Aduhh.. duhh.. Yahh! Koq
jadi Ribet ginih sih! Aye sumpeh kage
ade maksud jahat ame Ida.. Cang..!
Aye cuman demen beneran sama Ida!
Babeh:”Hah…! Ape lo kate hah!
Kurang Ajar! Berani lo yehh..
mau demen sama anak perawan gue!
Nyakk:”Hajar Pak! Nich..
Gagang Sapu! Biar Ampun dia
jangan gangguin si Ida lagi!
Babeh:”Gue Hajar lo yeh! Minggat
lo! Pegi sanah jauh jauh!
Ida:”Nyakk.. Babeh.. Duuhh Udeh Donk!
Jangan pake di ributin segala!
Bang Benz:”Adooohh.. Adooohh Ampun
Cang Cing! Iye.. Iye Aye Pegi deh’
Da..Ida! Ikut Abang yokk! (melas..)
Babeh:”Apaaaaaaaaa…!
Bang Benz:
(Kabuuuuuuuuuuurrrrrrrrrrrrrr..) “Sial
apes bener da’ ah malem minggu gue!
^^^Terima Kasih
