تراااك الملحن شاااكر 2023
الغل مني هاريكو&محمود الليثي
(تم تعديل الكلمات بلهجة البنات)(بقلم الملحن شاااكر )
الادوار بالارقام مش بالالوان (1)(2)
(1) الغل مني هاريكم،
بس الهزار مداريكم
بصحى وبنام وسطيكم،
مخنوقة محروق دمي
ده اللقمة لو على غش
أنا مش هاكل معلش
عاملوني بمية وش
وازاي معاكم هسمي
(2) مستنيين وقعتي،
وازاي وأنا بصحتي
سكتكو غير سكتي،
مش ماسكة إلا يمين
عالدوغرى بنت حلال،
ومليش في قولنا وقال
السمعة عال العال
أنا ظهري رب معين
(1) بظبوط مع المظبوط،
وبكيل الفلوط
كله بيعمل ميوت،
لو قلت حبه سكات
شبعانة على الطبلية
وبقدر الأخوية
مش مبدئي المادية
طيرت ياما ألوفات
(2) لو ع الفلوس سدادة
بصرف فى اي ميعاد
أنا لو عملت مزاد
ما في حد هيشتريكم
على كتفي كنت بشيلكم،
وانتوا الجنيه محولكم
مبقاش واكل تمثيلكم
رب العباد يهديكم
(1) كلمة يا أختى انسوها
ماانتوا اللي حزبتوها
اللقمة لو صونتوها
أنا كنت هبقى عليكم
انتوا الجدع وياكم
مش جاي سكة معاكم
بند الأصول عداكم
و النقص طبع ده فيكم
(مزززيييكا)
(1) ع المولى بمشي واسيبها
ولا كنت يوم بحاسبها
خذت الصحاب على عيبها
على مبدأ إننا واحد
آخرتها عضوا إيديّا
جابوا اللي فيهم فيّا
بصيت لنفسي شوية
ما أنا وسط عالم جاحد
(2) ماشية بعلاج معلش
بضحك لكن على غش
الحزن مالي الوش
في عينيّا بحر دموع
علشانكم شوفت مرار
خليتوا ليلنا نهار
منكم بقيت بحتار
أنا قلبي بقى موجوع
(1) من زعلي جسمي منمل
ازاي معاكم هكمل
ده أنا من زمان بتحمل
جضيت خلاص بأمانة
ضيعت نفسي عشانكم
كان لازم أبعد عنكم
ما بقتش أنا شايفةمنكم
غير تغفيلات وخيانة
(2) ما بقتش بفتح شاتكو
بلغي الظهور لحالاتكم
صدعت من حكايتكم
والعين بقت مش شايفة
أرقامكوا على تليفوني
هحضر لو احتاجتوني
القلب الأبيض لوني
والدنيا كلها عارفة
(1) عربيتي متفيمة
والسكة متعتمة
اختارت أشوف العمى ومشوفش ناس أندال
لو ألف باب مسدود
رب العباد موجود
هعمل معاكم حدود
ما الكل عبى وشال
(مزززيييكا النهاية)
