,, يا نعيم العود ,,
يا نعيم العود يا شيء مُلفت يا لطيف
يا محطم كل الارقام في زين وغلا
في عيوني مالك من البشر شبه وصيف
مابعد روعة جمالك جمال ولا حلا
نجــــمng
استحليت الغلا ما دهلت القلب ضيف
لين صرت اللي احبه محبة من - الا
اعترف في شعر ماهو من الوزن الخفيف
إنك اغلى شيء احبه واريده واجملا
نجــــمng
من غلاتك كن طرفي عن الباقي كفيف
ياللي فيك البال مشغول عنّك ما سلا
وين ما وجـّهت طيفك معي دايم وليف
كم يعــّرضني للاحراج يا دفع البلا
نجــــمng
أكثر علومي مع الناس فالجمع الشريف
أما (ماني منتبه) او أجاوب في (هلا)
الوصوف اللي بها همت والعود النحيف
جعلها نعمه ما تصبح عذاب(ن) مرسلا
نجــــمng
الحياه حظوظ وارزاق والعبد الضعيف
ما يخـّير في مقادير خلاق الملا
كان وقـّف بيننا الحظ وأقدار اللطيف
جعلني من شوفتك ما (عدم ) ولا (خلا)
نجــــمng
يا نعيم العود يا شيء مُلفت يا لطيف
يا محطم كل الارقام في زين وغلا
في عيوني مالك من البشر شبه وصيف
مابعد روعة جمالك جمال ولا حلا
ID 62012045481
