..انتصر ياس حبي ..
انتصر ياس حبي وانتهى من رجايا
وابتدى الشك يظهر في خوافي ظنوني
الله يسامحك ما ظنيت هذا جزايا
ليه تبكي عيوني يا مظنت عيوني
أحسب إنك بدرب الود تمشي معايا
ليه تقسى عليّ وانت قلبك حنوني
أحسبك ما تصدق في هواي الدعايا
يوم انا فيك ما صدق ولو يعذولني
...
ليتني ما دريت ولا عرفت النهاية
مير هذا مقدر لازم إنه يكوني
لا تقولون يا عذال ويش ها السوايا
انشدوا من بدا بالهجر لا تنشدوني
انشدوا من على صده تحطم هوايا
عقب ذيك الصداقة كن ما يعرفوني
صار حبي وحبك يا حبيبي رواية
مثلوها العواذل عن لقاك أبعدوني
....
عط حنانك لغيري لا تسأل عن عنايا
خل ذكراك ليّ وانتوا لا تذكروني
يا قمر وين نورك غاب وأظلم سمايا
ليه سود الليالي تحول دونك ودوني
ويانجم وين نورك غاب وأظلم سمايا
ليه سود الليالي تحول دونك ودوني
والله إنه مصيبة من يجازي عزايا
بس في عز نفسي كل شي يهوني
....
انتصر ياس حبي وانتهى من رجايا
وابتدى الشك يظهر في خوافي ظنوني
الله يسامحك ما ظنيت هذا جزايا
ليه تبكي عيوني يا مظنت عيوني
انتصر ياس حبي وانتهى من رجايا
وابتدى الشك يظهر في خوافي ظنوني
الله يسامحك ما ظنيت هذا جزايا
ليه تبكي عيوني يا مظنت عيوني
•توزيع نجم
