يا ليلي ويا ليلة
واش باش نشكيلك يمّا
وقالولي لا لا
صغير وفي قلبي غمّة
نحب نطير ونطير الفوق
يحبّو يقصولي جناحي
وليدك راني مخنوق
ومنك طالب سماحي
الحومة كلها موحلة
دوق دوق دوق
كلها تشوف الدنيا كحلة
صحرا قاحلة
دوق دوق دوق
باش تشوف الدنيا أحلى
والحومة مفحلة
دوق دوق دوق
تستنّى في عسل النحلة
صبورة كحلة
هزنا الطّيار ورمانا
في عقاب الرحلة
ياه ضايع بين لحيوط
وما لقيتش بلاصة
حومة بين بلاد الرهوت
يمّا خلّوني بالشيخة مسموت
وحوكمنا سرّاقة
والكراسي بالهبوت
ياه نحب نشد الروت
ونقلب المناظر
نقلب وجهي من هنا يامّا
ما نحب نعيش
الحياة بالموت
نوفى كيما ولد الجارة
بالشيخة تبلى
يا ليلي ويا ليلة
واش باش نشكيلك يا يمّا
وقالولي لا لا
صغير وفي قلبي غمّة
نحب نطير ونطير الفوق
يحبّو يقصولي جناحي
وليدك راني مخنوق
ومنك طالب سماحي
ريوس الرجالة مايلة
رزنت بالتخمام
وبالشيخة المخاخ مبايلة
ولاد الحومة
الشواطن مقايلة
الشر في العينين
بالخير ماهيش مستفايلة
يحبّو يسوقونا كيف الزايلة
ومربط في زريبة
وخطوة الساقين مكايلة
يحبّوك برّي
ما عندكشي عايلة
نعيشو في سيستام حكمه
ولاد المتحايلة
ياه يحبّوك غايب عالوجود
ساكت على حقك
وراضي بلّي يحبّوا موجود
يمّا تجري وماكش
خالط على القوت
اش خلّى ولاد الحومة
قاطع قاطع مالحدود ياه
صيد وفي قفصك
مربوط والضبع مصيد
وزيد كلاك عشك
يامّا يحبوك قاعد
في زنقة مرفود
والمستقبل تشوف
فيه متعدّي بحداك
يا ليلي ويا ليلة
واش باش نشكيلك يمّا
وقالولي لا لا
صغير وفي قلبي غمّة
نحب نطير ونطير الفوق
يحبّو يقصولي جناحي
وليدك راني مخنوق
ومنك طالب سماحي
يا ليلي ويا ليلة
واش باش نشكيلك يمّا
وقالولي لا لا
صغير وفي قلبي غمّة
نحب نطير ونطير الفوق
يحبّو يقصولي جناحي
وليدك راني مخنوق
