ကြယ်ကြွေညတိုင်းဆုတောင်းမယ်
️နန္ဒဧရာ
ညဉ့်သန်းခေါင်ယံ
လေပြည်ညင်းကြောင့်
မျောလွင့်သွားတဲ့လရောင်တန်းရဲ့
တစ်ဒေသတို့
အနန္တတံတိုင်း
ပရ၀ဏ်အထိ
အာရုံဖြန့်လို့စိတ်တွေရွက်လွှင့်
လိုက်ရှာနေရင်း
ကြယ်တွေကြားမှာ
ယဉ်ယဉ်လေးနဲ့လှတဲ့မင်းကို
မျှော်လင့်မထားဘဲတွေ့လိုက်တယ်
နူးညံ့တိမ်ယံ
ထာဝရအလင်းနဲ့
ကြယ်စင်မုန်းတဲ့ညဆောင်နန်းရဲ့
ထိပ်ထားထံ
မျှော်ရည်မှန်း
ရင်ခွင်လမ်းက
ငုံစင်ပန်းမို့မေတ္တာကြိုးယှက်
ပန်းဖောင်ဖွဲ့ရင်း
ပန်လိုစိတ်သာ
ရင်မှာပြည့်နှက်
ဆက်သလိုက်တယ်
ယူကာနမ်းခိုက်ပန်းပွင့်စေ
SOLO MUSIC
စွဲငြိကာရန်
သာယာခြင်းရဲ့
ရင်ခုန်စည်းချက်ရစ်ခြုံလွှမ်းမယ့်
သခင်မထံ
၀သုန်မြေစောင်း
ငိုသည်အထိ
သံစဉ်ဖွဲ့လို့
ညှို့ငင်လွမ်းချင်းဆွေးသီနေရင်း
တိုင်တည်သစ္စာ
ရွှေတော်နားအရောက်
ကျူးရင့်လိုက်တယ်
အာကာတစ်သောင်းအထိပျံ့လွင့်စေ
ရင့်ကျက်အိနြေ္ဒ
ထည်ဝါခြင်းရဲ့
ဂုဏ်သတင်းနဲ့မွှေးထုံသင်းတဲ့
အချစ်ဆုံးထံ
အိပ်မက်အလွမ်း
ထောင်ချီကို
အသည်းနဲ့ရင်းလို့
ဦးကိုညွှတ်လျက်
လှမ်းလွှင့်တင်ရင်း
ဆုံနိုင်ဖို့ကို
ရင်မှာမှန်းဆ
တမ်းတရင်းနဲ့
ကြယ်ကြွေညတိုင်း
ဆုတောင်းမယ်
