စံပါယ်ပုံပြင်
️ပိုင်သက်ကျော်
စံပါယ်ပန်းပွင့်တွေ ကြိုးနဲ့သီ
ကျွန်တော်ပန်ဆင်ပေးမှ
သူ့မှာကျေနပ်နေ
ဆံပင်ရှည်လေးနဲ့ အရမ်းလိုက်တဲ့သူ
စံပါယ်ပန်းလေးလို နှလုံးသားလှသူ
သူဘယ်ဆီပြေးလို့ ပြစ်ခွာရှောင်တိမ်းနေ
စံပါယ်တွေပွင့်တိုင်း လွမ်းခဲ့ရတယ်
စံပါယ်ပန်းများကို မေးကြည့်ပြန်တော့လည်း
သူ့ကို မတွေ့မိဘူးတဲ့
ပန်းစံပါယ်များက ပြောတယ်
ဖြူဖွေးသန့်စင် နှလုံးသားစံပါယ်ပုံပြင်
ချစ်သူ နှစ်ယောက်ရဲ့အကြောင်း
အတိတ်ကိုပဲ သတိရတယ်
ချစ်သူနဲ့ခင်တဲ့မိတ်ဆွေ
အားလုံးကို မေးမိသေးတယ်
ချစ်သူပျောက် ရှာရင်းဝေးလေ
မိုးဆုံးမြေနှံ့ခဲ့ပြီးပြီ
ပုံပြင်တစ်ပုဒ်အဖြစ် ထားခဲ့သူရေ
စံပါယ်တွေပွင့်တိုင်း
အသည်းထဲရှိုက်လို့ငို
SOLO MUSIC
ပွင့်ဦးသစ္စာ မနွမ်းတဲ့ပန်းတွေ
ရင်ခွင်မြေနှလုံးသား ဥယျာဉ်မှာပွင့်ဝေ
သူပြန်ခဲ့မယ့် တစ်နေ့ကိုစောင့်လို့နေ
ကြာပန်းဖူးငုံ ပျိုးတဲ့လရောင်
ရေကြည်ကြည်စိမ်းလဲ့ မြကန်ပေါင်ရိုးပေါ်
စံပါယ်ရုံနံဘေးက လှမ်းမေးလိုက်တယ်
နွေဦးညသခင် အဝေးကငွေလမင်း
ချစ်သူရှိရာလမ်း
ပြပါဦး ဖိုးလမင်းရယ်
ရင်တွင်းရှိုက်သံ အလွမ်းငှက်ကြင်ဖော်အဝေး
အဝေးကို ပြေးသော်လည်း
တို့ရင်ထဲ အမြဲရှိနေ
ဝေးခါနီးသူပြောခဲ့တဲ့
စကားလေးတွေ မှတ်မိသေးတယ်
ပန်းစံပါယ်အဖြစ်ကျွန်တော့်အသည်းနှလုံးကို
ကြိုးနဲ့သီပေးခဲ့တယ်
စံပါယ်လိုအဖြစ်နဲ့ ချစ်တဲ့သူရေ
ရွှေရင်ကွဲမတတ် လွမ်းရတော့မယ်
