(حصريًا على موقع مهرجانات دوت كوم)
(عازف أورج يوسف أوشا)
دنيا فيها الغدر ميزة
والصحاب دول غدارين
كترت الخلق الرخيصة
وقلوا فيها الطيبين
الوشوش صفرا وخبيثة
لا أمان للبني آدمين
عيش أسد لتكون فريسة
ما الصحاب بايعة وخاينين
كله سابني بقيت لوحدي
دنيا بيني وبينها تحدي
ليه يا قلبي تزعل نفسك؟
فترة عادي أكيد هتعدي
لا مفيش ولا حد سمى
إتدبحت بسكينة تلمة
مش عارفني، أنا مين حاببني؟
في الحبايب خدت صدمة
كله بيفرح وقت وقوعك
كله عايز يشمت فيك
مين اللي جالك وقت دموعك؟
قولي مين طبطب عليك؟
مين اللي كان حابب رجوعك؟
مين اللي شالك غير إيديك؟
خلصت بقى إقفل موضوعك
نقي اللي يحبك ويمشيك
مش شايف ولا حد صافي
ورصيدي معادش كافي
ع الصحاب ضاعت فلوسي
دول باعوني بشكل خرافي
مخي لافف البر كله
ليا خصم ومش هحله
واللي مرة ذكائه خانه
تحت رجلي هجيبه آذله
لفيت العالم كله يابا
مالقيتش ولا واحد أصيل
مال الدنيا قلبت غابة؟
والناس بتنكر الجميل
راح خلاص وقت الطيابة
ما الحيطان بقت تميل
قلبي تعبان واخد إصابة
عايش لوحدي ماليش زميل
عرة فافي عامل مغامر
تعبي وياه ما كانش طامر
إفتكر إن أنا نضفتك
خليتك تلمع وظاهر
بعد ما نطرتك يا فردة
قلت نسب المشاهدة
قولي إنت دلوقت فين
مش متشاف يلا ريح إهدا
بت إنتي حب حياتي
إنتي الجاي واللي فات
مهما أتكلم عن مراتي
مش هتوصفها العبارات
بشكرك جداً يا حماتي
هدتيني أحلى القمرات
دي اللي حلتلي ساعاتي
دي اللي معاها أحلى الأوقات
واخدة حتة من الملايكة
مش شبه عفريت جمايكا
إنتي في التصنيف الأول
بنت قلبي دي أعلى ماركة
بسكوتاية لا شيكولاتاية
بفرح أما تكون معايا
جنب مني هعوز إيه تاني؟
هرمي كل الكون ورايا
يا ضيقة فكي ع اللي مني
ما أخويا إيده في الحديد
فراقة مزعلني وقتلني
بقالي كتير أنا مش سعيد
سألته قالي القاضي ظلمني
شهور وسنين غاوي التجديد
كلامه ليا كان قتلني
نفسه يشوف أمه من بعيد
