واخد على خاطري من الدنيا
ومن كل الناس
زعلان على قلبي اللي اتبهدل
بينكم واتداس
مش قادر اكمل
ولا عارف اماشي الاحداث
انا كل ما اقول بكره هتحلا
ومسيرها تروق
فجأه بلاقي الحزن يجيلي
وحالتي دي بتسوء
وفنظر الدنيا انا مجرد كارت ومحروق
غصب عني
خدت جمب من اللي مني
ربنا ع الدنيا يعيني
لوحدي هبقا بخير
ايوه سهله هي رحله وبكره تحلا
دي البشر في الحب جاهله
بيعشقو التحوير
الناس فاكرين اني خاربها
وبكح فلوس
وان انا متريش وعايشها
وان انا محظوظ
وانا ايامي السلك ضاربها
ومن يومي منحوس
الضحكه اللي انتم شايفنها
دي وراها كتير
انا بضحك قدامكو
وبعمل نفسي اني بخير
بس انا من جوايا بتقطع
انا من التفكير
جبت اخري
شيبت قبل اواني بدري
من زمان ورا حلمي بجري
بس ملحقتوش
بختي انا اسود
فقري عالنحس انا متعود
فرحي في الدنيا دي متحدد
سني انا معشتوش
انا كل ما بفتكر الماضي
وايامي زمان
واللمه اللي كانت حواليا
وعاملين جدعان
بحمد ربنا انها طارت مع الايام
مبقتش اتمسك ولا بزعل
لو مره اتباع
والداهيه اللي جابت عادي تاخد
مش ناقصه صداع
وحياتي انا ماشيه ومرضيه
في كل الاوضاع
ظني خايب
في اللي مني وفي القرايب
هو مي اللي بخاطري طيب
كلو سابني حزين
الحبايب
طلعو فجأه اكبر مقالب
سهله عادي كلو هيتحاسب
ياللي مش سالكين
لما تحس انك مش فارق
فارق بضمير
البعد ساعات بيكون اريح
واحسن بكتير
اوعا في مره تضحي بنفسك
من اجل الغير
خليك باقي لكن عالباقي
وعلى اللي شاريك
متخليش حد يشوف نفسو
ويرسمها عليك
لو هتعيش متهان
يبقا الموت يا ابني احسن ليك
كلو باعني
كلو كان فرحان لزعلي
استعدو لرد فعلي
عشان حسابكو تقيل
يلا سدو
عدو ليا جمايلي عدو
كنتو مني كتير بتاخدو
ماحد رد جميل.
