باتت دموعي فوق خدي سايلة

ماحف ياريها يلين الصبح بان

اسهرت ليلي والعوالم ذاهلة

ورقت اهلي واقرباية واليران

عوقي غبي وايهاد قلبي طايله.

.متغلق عوقي ولاساربهوان

عوقي يعايي بالطبيب ويعضله..

حب الحبيب لابسني لبس جان

الحب لي طول بعاشق يقتله

كم عاشق يلي رمي تحت الدفان

هذي السنة يزداد قلبي وايله

ويون في العبرات عشر في ثمان

هيض غرامي بو غصون مايله

عوده لدن شروات عود الخيزران

لي هبته كوس الشمال تميله

.ويفوح ريحه مثل ريح الزعفران

ياويل روحي في الهوي متوحله

متعلله تشكي وزا حب الغوان

الحب جبار تعّبني مغزله

غزلي تشربك مع غزل ولد الدمان

غالي معي يابو خصور معزله

تسوي من البصرة الي ساحل عمان

باتت دموعي فوق خدي سايله

ماحف ياريها يلين الصبح بان