ما مل قلبك من زعلنا الى الحين
بنموت و احنا ما عرفنا السعادة
حرام يعني بالرضا نعيش يومين
ولّا انت شاطر في الزعل و النكادة
عطيتك ايامي مع القلب و العين
و خليت لك حضني حبيبي وساده
ماشي معك ما قد سألتك على وين
مالي معك قوه ولا لي اراده
حبّك في قلبي يا حبيبي له سنين
و بعدك ترى ما نقّص الحب زاده
تبي الصراحه اثنينا جد مخطين
كل واحدٍ فينا مصّر بعناده
ترى الزعل وارد مابين المحبين
بس الزعل هالمره طول زياده
زعلت لك كم يوم طيب و بعدين
ارجع قبل لا يصير هالبعد عاده
