يالي ذكرت الهجر وتحدد المهلة
لا ما تروم الهجر لو قلت لي رايم
الهجر لا تحسب انه مسألة سهلة
الهجر يجرح خفوق العاشق الهايم
منهل شفايفك من هالعين من نهله
لكن راعيها من منهلك صايم
لا يجهل الحب قلبك وان طغى جهله
افرد جناح الهجر يا طيرنا الحايم
هاجر ودرسك معاك والوقت درسه له
وانا من دروسك ودرس الزمن شايم
هاجر ودرسك معاك والوقت درسه له
وانا من دروسك ودرس الزمن شايم
الوقت خذيت منه تجربه كهله
وطاحت من عيوني الدنيا وانا قايم
الكفرملعون بو لهبه وبو جهله
والعشق ملعون بو بايعه والسايم
طول وقصر على ما تريد في المهله
مصير قلبك يردك عاشق وهايم
الواحد يغيب عن اهله وأهم اهله
لكن قلبه يرده صوبهم دايم
