1
2
3
قصيده
سناء مرجان
جواب من مسافر
بعد السلام
هقول يادنيا نفس الكلام
هيسألوني هقول تمام وبكل خير
وانا مش بخير........
هكتب جواب
وهرد علي كل اللي عاب فيا بمجامله....
هعمل مكالمه واسال علي كل الحبايب
واضحك وأداري واقول نصيب.عايش غريب
وفي بلدي سموني اللي غايب
انا كل يوم برد علي وجعي بأنين
بشتاق وببكي من الحنين
ماانا اللي ضيعت السنين
مش بكيفي.....عارف ظروفي في الف شيئ
دايمآجابرني أكون مسافر
في حاجات كتيييير
وبختصرها في جمله واحدة
خلاص انا مبقتش قادر
انا ببكي وحدي كل يوم
يجي الف مره..وعايش وحيد
صدق اللي قال الغربة مره وانت عن أهلك بعيييد
ضاعت سنين بقول وادع
وسنين وانا بكتم اهاتي
فكرت أني بعيش حياتي
واتاري كل العمر ضاااع
أنا اللي باع علشان يعيش
كل اللي خدته قصاد بعادي
لقيته بردوا مابيساويش
بعيش ومش قادر أعيش
مليش غير الجدران صديق
وأنا اللي مقسوم
من المسااافه ومن الطريق
رغم البرااح حاسس بضيق
زاي الغريق اللي الهوا بقي خط سيره.....
الدمع بقي ليا الدوااا
م أنا في البعااد مش لاقي غيره
مش لاقي حد في وحدتي وبنادي وحدي في غربتي
وبنادي مين يسمع ندايا، ياللي انت ضاع العمر منك
وضاع معاه أجمل حكايه
ياللي وجعي زي وجعك هتخبي دمعك
ولا تبكي كمان معاايا
يالي انت ضحكك ضحكه شاردة
قول يادمعي مين يشوفك قلبي كان زي النهاردة
وردة مرسومه في كفوفك
خلي جرحك جنب جرحي
نقسم اللي ملوش نهاية
ابوحنين
