انا حد فعلا مش مشاكله كتير واكبر طموحي يحس بالمعروف
لو حد عابني بتقتل تفكير
وازعل لوحدي من غير ما حد يشوف
بفرح بأبسط حاجه من حد اعرفه
واحزن اوي من حد بحتاجه
وفي كل مره يقولي عندي ظروف
ولو كنت غالي عليك حسسني بوجودي
علشان غيابي مفيش رجوع بعده
وكرامتي عندي اهم من العلاقات
مديش امان ولا اعيش مع حد خان وعده
انا عمري ما اتغيرت ولا سبت ايد انسان
ولا حد علقته بوجودي ووجعته
انا بان صحيح لناس مغرور ساعات علشان
عاورني كام انسان
قدرت ناس واديت اوقات وقلبي اتهان
فبقيت اخاف ادخل في الحاجه من جوه
وبقيت اعيش وحدتي مبسوط اوي وونسان
لكن بسيط وعبيط والله مش مغرور
قدرني تملكني وتكون لعيني النور
بفرح بأي كلام تراضيني من نظره
تسقيني كوبايه اسقيك قصادها بحور
ملقتش طول عمري حد ابقي غالي عليه
حد اما اغيب عنه يسألني غايب ليه
يفرقله تفاصيلي ويسمعني لما احكي
ومخفش وانا جنبه وايديا ماسكه ايديه
وانا حد بتعلق بالناس وبتعود
وان سابني حد عزيز فغيابه مش هين
واتسبت ميه مره وعلقت قلبي بناس
ولا حد من بينهم كان صافي وحنين
متجيش بقي وتسأل دلوقتي خايف ليه
دلوقتي بهرب ليه متعبش علي واحد
عشان بقي بيمشي وتاريخه كله قعاد
مع خلق سابه ايديه
قدرني يا خسرني مفيهاش حلول غيرهم
اديني حقي تمام متقولش انا غيرهم
انا سبت حقي كتير واديت موده وخير
لاشخاص كتير بخله ولا دوقت من خيرهم
وارجع واقول برضوا
العيب علي الواحد بسزاجته كان فاكر ان السماح بيفيد
قربت من اللي ملوش لا عزيز ولا غالي
وكل ما ازيد قربي هو اللي يبقي بعيد
في حكمه في الموضوع والحكمه دي بتقول
هتغلي حد رخيص هيدوس عليك ويزيد
ودا طبع مش عادي لو كنت هتقرب
ميكونش بزياده خليك خفيف وعزيز
في الفعل والتفاصيل واستني حد جميل
وكتافه سناده وعشان كده استنيت
مش هرضي بقليل هستني حد كبير
بدماغه مش عيل جربت غير قيمتي
وطلعت يا خساره مش هرضي غير قيمتي
لا هطاطي ولا اميل تبقي الحاجات كامله
وصحيحه مش نصين حد ابقي بيه ومعاه
متراضي يملي العين يراضيني ويشوفني
زي ما احب اكون ونكون سوا واحد مقسوم بجسم اتنين
في ناس وعوده كلام وانا وعدي زي الدين
محتاج رفيق صالح يقاسمني ايامي
هلقاه اكيد هلقاه بالمللي قدامي
محتاج رفيق صالح يقاسمني ايامي
هلقاه اكيد هلقاه بالملي قدامي
وعجبي
