علمت عيني بغيابك

ج̯͡أبـ ̨̥̬̩رٍ ج̯͡أبـ ̨̥̬̩ر ج̯͡أبـ ̨̥̬̩رٍ ج̯͡أبـ ̨̥̬̩ر ℛ

*تـوزيعات* ᴶᴮᴿجابر JABER

علمت عيني بغيابك ماتشوف النوم

خايف تشوفك حلم لو بالجذب مريت

ادري بيه من الصغر تعبان ومامرتاح

شنهو بيه ومن لكيتك للتعب حنيت

مو جنت ماخذ عهد ماعاد احب بيوم

وسئلت روحي شجاني ورجعت حبيت

اصفك جفوفي بندم صفناتي عل حيطان

ينزف بهامي قهر وابكي القهر ع الضيم

يل جنت وردة بحياتي وبالقلب مزروع

اعتني بيك ورويتك شمة ماشميت

طشرت روحي على دربك وانتظر مشتاك

جلجل الليل بنهاري وللاسف رديت

وارجع لبيتي غصب اجدامي تمشي بخوف

شحجي عنك بالصور مو تارسات البيت

اختنك لو مر هوى ويحرك البيبان

واصرخ بعيني هلا حسبالي انت جيت

ياعشك ماينعشك رجفة بقلب مذبوح

انا وين من الوجع وانت بطرب غنيت

كل ظلام البيه منك عيشتني بليل

اشعل بروحي شمع وبروحي اتبديت

تفرح الناس وتعيد والضحيه نذور

واني ناذر عمر لك وبعمر لك ضحيت

مو طبع بيه احتمل بس احمتل مجبور

خايف عيون شماته دكلي انخانيت

ج̯͡أبـ ̨̥̬̩رٍ ج̯͡أبـ ̨̥̬̩ر ج̯͡أبـ ̨̥̬̩رٍ ج̯͡أبـ ̨̥̬̩ر ℛ