دايما لوحدي في حالي باقيلي كام ذكرى وجواب
عندي خوف ساكن ضلوعي حداد على صاحب وغاب
روحي بتشبه لروحك
لكن غريبة الحياة قادرة تجمع مابينا عشان تنهي العتاب
عارف عيوبي وحاببها حافظ عيوبك لكني
ديما بكون جمب منك حتى لو طيفك سايبني
ضلك مقارب لضلي حتى لو غيرك فاضلي
زي الغريب ببقى جمبك وانت الوحيد اللي مني
ياحال مقلوب ميشبهنيش مفيش مبدا يديم حالك.
ياعود مكسور مبيغنيش يدوم الهم من حالك.
خبايا الروح دي متساعنيش عشان همي مكتفني.
بغني كتير ماتسمعنيش بعيد الفرحة لو جنبي.
عاشرت الظروف قومتني بكيت من الهموم كنت بضعف
كتير بلقى نفسي وبشوفني فيا كره ليكو مش بيخلص
عرفت ان مش هبقى منكم
مهما حاولت وعافرت طريقي بعيد عن طريقكم مشيت ورا منكم فتهت
ياحال مقلوب ميشبهنيش مفيش مبدا يديم حالك.
ياعود مكسور مبيغنيش يدوم الهم من حالك.
خبايا الروح دي متساعنيش عشان همي مكتفني.
بغني كتير ماتسمعنيش بعيد الفرح لو جنبي.
