Bad Chunkie
Kishori, kuch aisa intezaam ho jaaye
Hey Radhe, kuch aisa intezaam ho jaaye
Oh, zubaan pe Radha, Radha, Radha naam ho jaaye
Zubaan pe Radha, Radha, Radha naam ho jaaye
Nainon mein paani hai, peeda mein dil
Logon ke vaadon ne cheera hai dil
Duniya na samjhegi meri vyatha
Tum hi Kishori, haan, see do yeh dil
Gaye nahi hain kasht abhi
Ravi sukhon ka hai ast abhi
Duniya se paloon main kya hi ummeed
Mujhe bana lo na asht sakhi
Radha Rani, mera karta kaafi chinta mann
Dhalte din hi aansu saare mere ginta mann
Vyatha mili bhaari, par na wajah mili ek
Lene ko jawaab pahuncha hoon main Vrindavan
Haara yeh banda hai tere sahaare, jhoothe sahaaron se bane bechaare
Kara bharosa tha logon pe, par chhalon ke chaaku thhe seene pe maare
Vyatha ke aansu yeh kehte main khaak hoon, kahaan pe ja ke main khushi talashun?
Duniya farebi yeh lena sambhaal, kaanton ki duniya mein dil mera naazuk
Paane ko dukhon ke saare jawaab teri or bhagein
Hone lage zaar mere aashaon ke dhaage
Aaya hoon main aaj teri bhoomi pe, Kishori
Aankhon mein ummeedein, aur munh pe Radhe-Radhe
Kishori, kuch aisa intezaam ho jaaye
Hey Radhe, kuch aisa intezaam ho jaaye
Oh, zubaan pe Radha, Radha, Radha naam ho jaaye
Zubaan pe Radha, Radha, Radha naam ho jaaye
Kanha ji ki rani ki kahaani jisne jaani
Wo hi jaane prem mein behti khare prem ki vaani
Main logon se kya poochhunga, tabhi hoon tere dwar khada
Tumse na chhupi hai meri saari yeh kahaani
Kashton se aazaad karo, ya saath daas ke baat karo
Aage apna haath karo, hey Radha Rani, saath chalo
Dard-bhari yeh raat padho, uljhi subah-shaam padho
Bhakton ki soochi mein mera lahu se likha naam padho
Aa gaya hoon Barsana, rehem tera tu barsana
Uljhe se sawaalon ka jawaab mujhe hai bas paana
Mat jaana yoon chhod ke, daas tera yeh bhatka hai
Pehle se main haara hoon, aur mujhe na tarasana
Suna hai Vrindavan se na koi khaali haath jaata hai
Tabhi to toota dil leke har praani yahaan pe aata hai
Main bhi aage haazir hoon, baaki tumpe chhoda hai
Duniya ne jazbaaton ko 100 hisson mein kaata hai
Kishori, kuch aisa intezaam ho jaaye
Hey Radhe, kuch aisa intezaam ho jaaye
Oh, zubaan pe Radha, Radha, Radha naam ho jaaye
Zubaan pe Radha, Radha, Radha naam ho jaaye
