Bugalon sa buhat ugaling butigon

Maluib ka gali sing tagipusuon

Ang akon pag-amlig madugay nga ti-on

Sa isa ka pisok, nadula gilayon

Diin na'ng matam-is mo nga ginpanug-an

Lab-as pa kaayo sa pahanumduman

Sa hinali lamang imo ginkalimtan

Mutya sang kasakit ako nalikupan

Bagay sining sulat gisi gisi-on ko

Gisi-on sunugon upod sang litrato

Agud malimtan ko ang kaluiban mo

Bilangon ko nalang nga isa ka damgo

Pananglit damgo lang ini nga estorya

Dili ko na gusto nga matulogan pa

Gusto ko kalimtan ang mga tini-on

Nga amo ang nagpilas sa tagipusuon

Bagay sining sulat gisi gisi-on ko

Gisi-on sunugon upod sang litrato

Agud malimtan ko ang kaluiban mo

Bilangon ko nalang nga isa ka damgo

Agud malimtan ko ang kaluiban mo

Bilangon ko nalang nga isa ka damgo