يا عيني ياعيني عالصبر يا عيني عليه
يشوف الدمع في عينينا يواسينا
يشوف الجرح في ايدينا يداوينا
ولما الدنيا تنسانا نلاقي الصبر ويانا
في خطوتنا في سكتنا ويسمع لينا شكوتنا
وعمره في يوم ما قال لاء ولا مرة سألنا ليه
يا عيني ياعيني عالصبر يا عيني عليه
.
يا ليل الصبر يا مسهر دموع العين
أنا ملاّح وتاه مني سوا الشطين
مسير الصبر هيوصل مراكبنا
ونتقابل أنا وانت بحبايبنـــا
وفين يا قلبي مرسانا وفين الخطوة وخدانا
بقالي كتير على ده الحال نغم حاير مع الموال
لا أنا عارف لمين أبكي و لا عارف لمين أحكي
يا عيني يا عيني عالصبر ياعيني عليــــه
