طالما احنا مش قد البعاد طب ليه العناد؟
وإيه يعني ما بينا بلاد هنرجع بكرة وبينا معاد
واحشني حبيبي ومش هخبي بُعدك تاعب لي قلبي
كل شوية بيتهيأ لي وأشوفك لسه جنبي
وحشتني كلمة بنتي وحشني كل كلامك
بعدك بقيت بقول للكل ولا يوم من أيامك
وإنت كمان وحشاني بعدك أصبحت شخص ثاني
يا بخت من بكاني بعدنا وعايزها وعايزاني
إديتك كل الورد وإتبقا لي في قلبي الشوك
كان بينا وعد وبعد ما سيبنا بعض قتلني الشوق
طمني عليك عرفني بعدي أخبارك إيه؟
وحشتني عينيك وغيبت عني وما بتسألش ليه
بنتك ملهاش حد بعدك ما تزيدش في بُعدك
بعدك أنا في غُربة ونِفسي إني أرجع ثاني في حُضنك
وأنا مش كويس زيك سايب حتة مني عندك
كِنت بنتي وكنت بيِّك بعدك قلبي بقى متفرتك
وحشتني إيديكي تلمسني يا اللي روحك ساكنة جسمي
وحشتني كلمة بابا وطريقة نُطقك لإسمي
طالما إحنا مش قد البعاد طب ليه العناد؟
وإيه يعني ما بينا بلاد هنرجع بكرة وبينا معاد
بعيش ع الذكريات، ما عرفتش أمسح الشاتات
عمري ما نسيتك ولا أقدر، حبك عايش عُمره ما مات
طالما احنا مش قد البعاد طب ليه العناد؟
وإيه يعني ما بينا بلاد هنرجع بكرة وبينا معاد
بعيش ع الذكريات، ما عرفتش أمسح الشاتات
عمري ما نسيتك ولا أقدر، حبك عايش عُمره ما مات
بعد الغياب ما عرفتش أحب قفلت الباب
مش فارق مين اللي ساب كان ممكن نرجع بالعتاب
وإنت رفضتي تعاتبي وأنا كمان رفضت أعاتبك
كان نِفسي إني أفضل جنبك يعني اللي وصلنا له عاجبك؟
لا مش عاجبني ويا ريتني قبلت إنك تعاتبني
أهد فتبني تهد فـأبني ما أنا أبني إلا الجرح اللي تاعبني
كان نِفسي تكلمني وتقولي إنت وحشتيني
بعدك أنا وحيدة وكنت إنت الحلو في سنيني
وإديني لوحدي كمان ما نسيتش بالأيام
ده أنا لحد الأن ما زلت بروح أمشي في نفس المكان
وياخذني السرَحان وأتخيّلك موجودة معايا
ولأن النهايات أخلاق بفتكرك بالخير للنهاية
وأنا كمان فاكراك ما قدرتش يوم أنساك
راجل وطيب تستاهل أحسن حد معاك
ولو هتكلم وأحكي عنك مش هتكفي ساعات طويلة
هفضل فاكراك بالخير علشان ما بينا أيام جميلة
طالما احنا مش قد البعاد، طب ليه العناد؟
وإيه يعني ما بينا بلاد، هنرجع بكرة وبينا معاد
بعيش ع الذكريات، ما عرفتش أمسح الشاتات
عمري ما نسيتك ولا أقدر، حبك عايش عُمره ما مات
طالما احنا مش قد البعاد، طب ليه العناد؟
وإيه يعني ما بينا بلاد، هنرجع بكرة وبينا معاد
بعيش ع الذكريات، ما عرفتش أمسح الشاتات
عمري ما نسيتك ولا أقدر، حبك عايش عُمره ما مات
