مكانش معايا فلوس ولا حاجة غيرك حيلتي
زادت حيرتي أبعد ولا أقرّب هي دي قِلة حيلتي
صحيح إن جيتي للحق هو عنده فلوس وأنا لأ
بس أنا كنت معاكي راجل جربي وهتشوفي الفرق
وأنا أستحق أتحرق نجيتك وجزائي الغرق
قلبك كان مشنقة ياريتني ما إتعلقت وقلبي إتشنق
أنا إتعميت بعدك عشان ضحيت بنظري معاكي
بعد أما إديتك عيني شوفتي غيري إزاي أقول لك فداكي
هل كان صحيح وأنا هلكان صحيح
معرفتش أصدق كذبك قلبك عمره ما كان صريح
أنا كان نِفسي تدومي معايا بس إنت اللي كسرتي بنِفسي
كنت بداري حزني عشان ما تزعليش ولا بتحسي
كنت دايماً أقول كلام جميل لكنك كنتي طرشة
والدنيا غشيمة ما بتسميش وإيدها طرشة
حلمت بيكي صحيت بـخضة وفي قلبي بمرزبة خابطة
أنا آسفة مش هنكمل حُبك كان مُجرد غلطة
لو بإيدي أصرخ هقول تعبت مش هقول مفيش
كانت غلطتي من الأول فياريت بقى ما تعتذريش
قولت هموت في بعدك رديتي عليّ وقولتي أنا هعيش
كنتي زيك زي الدنيا حبيتك وما حبيتينيش
لو بإيدي أصرخ هقول تعبت مش هقول مفيش
كانت غلطتي من الأول فياريت بقى ما تعتذريش
قولت هموت في بعدك رديتي عليّ وقولتي أنا هعيش
كنتي زيك زي الدنيا حبيتك وما حبيتينيش
شوفتك في الصور جنبه بنار في قلبي حرقتي
إزاي ده مش من حقي أغير على حاجة مش بتاعتي
دموعي ملِت عينيّ ونفّسي يعني بقى بعافية
ما جبرتكيش عليّ الحب عُمره ما كان بالعافية
في داهية لأ إستني شوية كرهتك لأ حياتي واقفة
إرجعي لي وقولي جاية أعذريني لازم أستغنى
إمتى الموت يدُق بابي غلبت أستنى؟
حبيته وما حبيتكش الجُملة لسه في ودني رنة
كنت بخاف وأغير عليكي مني ده كان حُب إمتلاك
قولتي مش عايزاك مش هقدر أكمل مع إنسان شكاك
على فكرة البُعد كسّر فينا وعمره ما كان في صالحنا
واللي إنت معاه ده كان زمان على بعض بيصالحنا
بس عادي عبيط سمّيتك أم ولادي
كرهك ليّ وحبك ليه أحسن هدية في عيد ميلادي
كنت كثير عليكي أنادي وقولتي فكك وإنسى
قلعت جزمة عشان صغرت عليّ وغيري لبسها
لو بإيدي أصرخ هقول تعبت مش هقول مفيش
كانت غلطتي من الأول فياريت بقى ما تعتذريش
قولت هموت في بعدك رديتي عليّ وقولتي أنا هعيش
كنتي زيك زي الدنيا حبيتك وما حبيتينيش
لو بإيدي أصرخ هقول تعبت مش هقول مفيش
كانت غلطتي من الأول فياريت بقى ما تعتذريش
قولت هموت في بعدك رديتي عليّ وقولتي أنا هعيش
كنتي زيك زي الدنيا حبيتك وما حبيتينيش
