โอ่โอ่ยโอ้ๆโอ่ย โอย

ล่ะมาบัดนี้ ล่ะในวาระดิถี

ปีใหม่มาฮอดแล้ว

สาวเวียงบ่นอมีหยัง

ล่ะมอบของขวัญแฟนฟัง

นอกจากเสียงสำเนียงร้อง

ล่ะเป็นทำนองเอามาต้อน

ฝากเป็นลำมาอวยพร

กาเต้นก้อนวาดลำล่อง

ล่ะว่าสาธุ สาธุเด้อ

ให้แฟนๆ ของอีน้อง

มีสุขล้นอย่าหม่นใจ

ล่ะคิดสิ่งใด๋ ล่ะทำสิ่งใด๋ขอให้ได้

สมดั่งมโนหมาย

ล่ะเทิงแฟนหญิงหรือชาย

ให้ม่วนเพลินเจริญเด้อ

ล่ะขอให้เจอ ขอให้ได้

ขอให้รวยหลายๆ

มีเงินใช้จนพายแอ่น

ล่ะให้โชคหมานเด้อแฟน

อย่ามีจนหรือทุกข์ท้อ

ให้หาพ้อแต่สิ่งดี

ล่ะอีกอันหนึ่ง

ล่ะขอให้ถูกลอตเตอรี่

รางวัลที่หนึ่งคือใจหมาย

ล่ะซื้อบ่อนใด๋ขอให้มีแนวซุก

เข้าใส่มือคือใจตั้ง

ล่ะหากผิดหวัง

ในหัวใจมีแนวกลุ้ม

สุมในทรวง

ให้หายพร้อมดอกปีเก่า

เจ็บหรือป่วยให้ช่วงเซา

หนักหรือเบาให้ลดน้อย

จนหายจ้อยอยู่สบาย

ล่ะสำหรับเวียง นฤมล

ล่ะถึงแม่นบ้านบ่อยู่ใกล้

บ่เหินห่างดอกทางเสียง

ฝากสำเนียงมาอวยพร

แม่นอ่อนยอ นอมือก้ม

ล่ะขอพนมมือตั้ง

ทุกๆการเดินทาง

แม่นไกลใกล้ให้ไปคล่อง

ล่ะสิ่งศักดิ์สิทธิ์ให้คอยมอง

นำปกปักแม่นส่อยคุ้ม

ให้แนวฮ้ายหม่ายใส่ดี

ล่ะขอฝากเสียงไปลงทุกพื้นที่

สถานที่ถึงแสนไกล

สุขหลายๆเด้อแฟนๆ

เรื่องทุกข์ใจให้ไลเว้น

ล่ะขอให้เย็นอยู่คือน้ำ

เบิ่งแล้วใสงามๆพอปานแก้วมณีค่า

ล่ะสมมุ่งมาดปรารถนา

ภัยอย่าพาลมารอย่าใกล้

ปีใหม่มาฮอดแล้ว

สมหวังไว้ทุกประการ

เด้อแฟนเด้อเออเอ่อเอ้อเอ่อ

โอ้โอ่โอ่ย เด้อแฟนเด้อ