وقت غروب الشمس واقف علي البحر بعيد
عمال بحكيله وأشكيله وأشرح وأعيد
فجأه لقيتها وكنت فاكرها عروسة البحر
خارجه من الميه وطلتها اقوي من السحر
لما شفتها قلبي دق ثلاث دقات
والطبلة دخلت لعبت جوا دماغي حجات
لما الرق دخل قلبي رق وحنيت
طب هعمل ايه، رحت أنا غنيت
امتى الحب طال قلبي ولا في الخيال
عودك ده فيه يتقال موال
ويا عيني ياه يا سيدي علي الأيام
لما تهادي قلوبنا غرام فجأة يهون كل اللي فات
ولقيت جوايا خناقه كبيرة قامت علي طول
عقلي يعقلني وقلبي يقولي رحلها قول
مخدتش ثواني وكان قلبي طالع كسبان
رحت وقلتلها إن أنا ولهان
امتى الحب طال قلبي ولا في الخيال
حبك ده فيه يتقال موال
ويا عيني ياه يا سيدي علي الأيام
لما تهادي قلوبنا غرام فجأة يهون كل اللي فات
وتمر شهور وسنين علي يومها ومش ناسيين
أنا شفتك امتي يا حب العمر وشفتك فين
وبنيجي سوا نحكي حكايتنا هنا للبحر
عن قصة حب أقوى من السحر
امتى الحب طال قلبي ولا في الخيال
عشقك ده فيه يتقال موال
ويا عيني ياه يا سيدي علي الأيام
لما تهادي قلوبنا غرام فجأة يهون كل اللي فات
ويا عيني ياه يا سيدي علي الأيام
لما تهادي قلوبنا غرام فجأة يهون كل اللي فات
