انا الاهلي اللي كان والحاضر
انا الاسم اللي هز جبال
من الاول لحد الآخر
هيفضل مصنع الأبطال
انا قد الحياة وتحدي
ولسه عندي قوة وعندي
اعدي ألف سد واعدي
اقوم واطلع واهد جبال
انا الاسم اللي لف الدنيا
وماضي تشيرتي في اليابان
بطل عدى حدود افريقيا
ولسه في قلبه حلم كمان
في ظهري ومن سنين قواني
قلوب ادت كتير علشاني
انا الاهلي اللي صان العشرة
ذهب مش قشرة ولا بهتان
بدايتي وكانت كده
بنيت في سنين كل ده
ولسه في اكتر من كده سنين وهبنيها
انا اللي هكمل كمان
في ظهري كتير من زمان
معايا جماهيري بتسند بيها
اهلي اهلي اهلي
انا الاهلي اللي ربى وعلم
بكلمة حب مسموعة
وجيل من بعد جيل بيسلم
ورايته تملي مرفوعة
انا النجم اللي فوق في العالي
انا اللي مافيش ايدين وصلالي
انا روح الفانلة الحمرا
وانا الناس اللي عايشالي
انا الاهلي اللي سابق دايما
ودايما سكتي قصادي
ومهما الدنيا بتعطلني
بوصل برده في معادي
لا قدرت يوم ظروف تحبطني
ولا صوت عالي بيسكتني
انا صوتي اللي لف الدنيا
ولسه بيعلى وينادي
بدايتي وكانت كده
بنيت في سنين كل ده
ولسه في أكتر من كده
سنين وهبنيها
انا اللي هكمل كمان
في ظهري كتير من زمان
معايا جماهيري بتسند بيها
بدايتي وكانت كده
بنيت في سنين كل ده
ولسه في أكتر من كده
سنين وهبنيها
انا اللي هكمل كمان
في ظهري كتير من زمان
معايا جماهيري بتسند بيها
اهلي اهلي اهلي اهلي اهلي
