عيسى الكبيسي و محمد المطوع
رفع وتنسيق : الشـــاهين 2021م
جيت بحكي لك غرام
القلب والحب الكِذوب
من حبيب ٍ راح مني
والبُقى فىْ الذكريات
جيت بحكي لك غرام
القلب والحب الكِذوب
من حبيب ٍ راح مني
والبُقى فىْ الذكريات
أشتكي لك حالتي
كل ماحل الغروب
أستضيق مْن المسا
ومْن الليالي المقبلات
لاتضيق مْن المحبه
لاتضيق مْن الدروب
الهوى معروف دربه
يا ممات ويا حيات
لاتضيق مْن المحبه
لاتضيق مْن الدروب
الهوى معروف دربه
يا ممات ويا حيات
من حَيا بالحب ليله
ماتبكّيه الهَبوب
والقِتيل مْن الهوى
عاش عُمره في ممات ..
AL-SHAHEEN
لو فهَم وش كان قصدي
كان ما آغراه الهروب
قد خذى مني عُمر
ما قلت له عطني وهات
لو فهَم وش كان قصدي
كان ما آغراه الهروب
قد خذى مني عُمر
ما قلت له عطني وهات
لو يشيب الليل ، يمكن
يدري بقلبي شَبوب
علموني ويش اسوّي
بالحنين ، إيش السوات
الحنين أول هزيمه
للبشر أكبر عيوب
لاتحن مْن الطواري
كانها طرّت وجات
الحنين أول هزيمه
للبشر أكبر عيوب
لاتحن مْن الطواري
كانها طرّت وجات
من شمال القلب ولاّ
من أحاسيس الجنوب
ليه مستغرب حنينك
وانت قلبك فيه مات ..
AL-SHAHEEN
الغريب إني نويت
أصد عن حُبه وآتوب
الجفا نسمه رقيقه
بعثرت قلبي شِتات
الغريب إني نويت
أصد عن حُبه وآتوب
الجفا نسمه رقيقه
بعثرت قلبي شِتات
لو يطول البُعد منّسى
صاحب الحِس الطُروب
أشهد إني بعد وصله
لا حيات ولا غنات .
إبتعد عن طاري الذكرى
وعن كل مْحبوب
لاتحن إليا سمعت
إن الهوى والوقت فات
إبتعد عن طاري الذكرى
وعن كل مْحبوب
لاتحن إليا سمعت
إن الهوى والوقت فات
والهوى مايسكن إلا
فالعيون و فالقلوب
مثل ما تبقى الأماني
في رفوف الأُمنيات ..
AL-SHAHEEN
