أني اللي عشقتك حيل، وإلك سهـرت الليل

وبقد الكـون أحـبك، وأحس كلش قليل

أيامي بدونـك غيـر، ما بيهـا حـب وخيـر

يا جنحـي اللي بيه أطيـر، تـرى فراقك ثقيل

إلك أظـل ستـر وغطـاء، وأني اللي صرت حيـاتك

يا اللي بعـده عطرك بالحضن، وهنـا أثر بوساتك

ويا ويلاه، يا ويلاه يا ويلك تنساني

ويا ويلاه، يا ويلاه، يا ويلاه تحب ثاني

من عني إنت تروح، أظل بلايا روح

تهملني ما مسموح، لك فدوة حبني حيل

إوعدنـي يـا الحنيــن، ما تنسـى حب سنيـن

عايفنـي ليـش وإلمن بصمة غـرامـك ويــن

إحساسي بس وياك، يجبرني ما أنسـاك

يا عمري وبلياك، يسموني الحــزيـن

طول العمر ما نفتـرق مو تدري أموت بدونك

يخوفني كلشي لو رحت مصدر أماني عيــونك

ويا ويلاه، ويا ويلاه، ويا ويلاه ع الفـرقة

ويا ويلاه، ويا ويلاه، ويا ويلاه بس حرقة

من عني إنـت تروح أظل بلايا روح

تهملنـي ما مسموح، لك فدوة حبني حيل