ಇರು ನೀ ಜೊತೆ

ಬದುಕಿನ ತರಗತಿಯೊಳಗೆ

ಸಹಪಾಠಿ ನಾನಾಗಿ

ಹಾಜರಿಯ ನೀಡುವೆ

ಹಿಂಬಾಲಿಸಿ ನಾನಿನ್ನ ಓದುವೆನು

ಇನ್ನಾರಿಗಂತೂ ಹೇಳದಿರೋ

ಕಥೆಯೊಂದ ಹೇಳುವೆ

ನೀನೇ ನನ್ನ ಪಾಠವು

ನೀನೆ ಪೂರ್ತಿ ಅಂಕವು

ನನ್ನ ಬೆರಳನು ಹಿಡಿ ನೀನೇ

ಜೋಪಾನ ಮಾಡಿಕೊ

ಸಹಪಾಠಿಯೇ

ಸಹಪಾಠಿಯೇ

ಮುದ್ದಾದ ಗುಬ್ಬಿ ಮಾತನು

ದಿನ ಆಲಿಸೋ

ಗೂಡಂತೆ ನೀನಿರು

ನನ್ನ ಜೀವದ ಪುಸ್ತಕದಲಿರೋ

ನವಿಲಿನ ಗರಿಯೇ ನೀನು

ಬಳಿ ಬಂದರೆ ದೋಣಿ ಆಟವ ನಿನಗಾಗಿ

ನಾ ಕಲಿಸುವೆ

ಹಿಂಬಾಲಿಸಿ ನಾನಿನ್ನ ಬರೆಯುವೆನು

ಇನ್ನಾರಿಗಂತೂ ಕಾಣದಿರೋ

ಪುಟವೊಂದ ತೆರೆಯುವೆ

ನೀನೇ ನನ್ನ ಪಾಠವು

ನೀನೆ ಪೂರ್ತಿ ಅಂಕವು

ನನ್ನ ಬೆರಳನು ಹಿಡಿ ನೀನೇ

ಜೋಪಾನ ಮಾಡಿಕೊ

ಸಹಪಾಠಿಯೇ

ಆಚಂದಮಾಮ ದೋಸ್ತಿಯೇ

ನಿನ ಸಂಘ ಸೇರಲು

ರಜೆಗಿಂತಲೂ ಖುಷಿ ನೀಡುವ

ವಿಷಯವೇ ನಿನ್ನ ನಗುವು

ಆ ನಗುವಲೇ ದಿನವ ಕಳೆಯುವ

ನನಗಂತು ಬಿಗುಮಾನವೇ

ಹಿಂಬಾಲಿಸಿ ನಾನಿನ್ನ ಸೇರುವೆನು

ಇನ್ನಾರಿಗಂತೂ ಹಾಡದಿರೋ

ಹಾಡೊಂದ ಹಾಡುವೆ

ನೀನೇ ನನ್ನ ಪಾಠವು

ನೀನೆ ಪೂರ್ತಿ ಅಂಕವು

ನನ್ನ ಬೆರಳನು ಹಿಡಿ ನೀನೇ

ಜೋಪಾನ ಮಾಡಿಕೊ

ಸಹಪಾಠಿಯೇ