(കുമാരനാശാനെക്കുറിച്ച് ഓ എൻ വി
സാർ എഴുതിയ ഒരു കവിത)
Tharangini/KJY/ONV/Alleppy Ranganath
പറയൂ നിൻ ഗാനത്തിൽ നുകരാത്ത തേനിന്റെ
മധുരിമയെങ്ങനെ വന്നൂ
പറയൂ നിൻ ഗാനത്തിൽ നുകരാത്ത തേനിന്റെ
മധുരിമയെങ്ങനെ വന്നൂ
നിശയുടെ മടിയിൽ നീ വന്നു പിറന്നൊരാ
നിമിഷത്തിൻ ധന്യതയാലോ
നിശയുട മടിയിൽ നീ വന്നു പിറന്നൊരാ
നിമിഷത്തിൻ ധന്യതയാലോ
പറയൂ നിൻ ഗാനത്തിൽ നുകരാത്ത തേനിന്റെ
മധുരിമയെങ്ങനെ വന്നൂ
പരമപ്രകാശത്തിൻ ഒരു ബിന്ദുവാരോ
നിൻ നെറുകയിലിറ്റിയ്ക്കയാലോ
പരമപ്രകാശത്തിൻ ഒരു ബിന്ദുവാരോ
നിൻ നെറുകയിലിറ്റിയ്ക്കയാലോ
കരളിലെ ദുഃഖങ്ങൾ വജ്രശലാകയായ്
ഇരുൾ കീറി പായുകയാലോ
കരളിലെ ദുഃഖങ്ങൾ വജ്രശലാകയായ്
ഇരുൾ കീറി പായുകയാലോ
പറയൂ നിൻ ഗാനത്തിൽ നുകരാത്ത തേനിന്റെ
മധുരിമയെങ്ങനെ വന്നൂ
പറയൂ നിൻ ഗാനത്തിൽ കേൾക്കാത്ത രാഗത്തിൻ
മധുരിമയെങ്ങനെ വന്നൂ
പറയൂ നിൻ ഗാനത്തിൽ കേൾക്കാത്ത രാഗത്തിൻ
മധുരിമയെങ്ങനെ വന്നൂ
ഇരുളിന്റെ കൂടാരമാകെ കുലുങ്ങുമാറരിയ
പൂഞ്ചിറകുകൾ വീശി
ഇരുളിന്റെ കൂടാരമാകെ കുലുങ്ങുമാറരിയ
പൂഞ്ചിറകുകൾ വീശി
വരുമൊരുഷസ്സിന്റെ തേരുരുൾ
പാട്ടിന്റെ ശ്രുതിയൊത്തു പാടുകയാലോ
വരുമൊരുഷസ്സിന്റെ തേരുരുൾ
പാട്ടിന്റെ ശ്രുതിയൊത്തു പാടുകയാലോ
കനിവാർന്ന നിൻ സ്വരം കണ്ണീരാലീറനാം
കവിളുകളൊപ്പുകയാലോ
കനിവാർന്ന നിൻ സ്വരം കണ്ണീരാലീറനാം
കവിളുകളൊപ്പുകയാലോ
പറയൂ നിൻ ഗാനത്തിൽ ആരും കൊതിക്കുമീ
മധുരിമയെങ്ങനെ വന്നൂ
പറയൂ നിൻ ഗാനത്തിൽ ആരും കൊതിക്കുമീ
മധുരിമയെങ്ങനെ വന്നൂ
പറയൂ നിൻ ഗാനത്തിൽ നുകരാത്ത തേനിന്റെ
മധുരിമയെങ്ങനെ വന്നൂ
മധുരിമയെങ്ങനെ വന്നൂ
മധുരിമയെങ്ങനെ വന്നൂ
