اعتذر لك كيف ؟
اعتذر لك كيف ؟ وانتَ اللي بديت .. على نفسك جنيت
كم قلت لي مرّه .. أنا ملّيت بس
كم وكم مرّه .. اشوف وجهك عبس
ما وضح لي كلامك .. صدق والا زيف
اعتذر لك كيف ؟
قالوا إن الحب له جزر ومد .. قليل من صمد
والمحب يصبر على خلّه ولو .. كان طبعه مر والا حلو
أنا كنت في طبعي معك .. دايم ظريف
اعتذر لك كيف ؟
اعتذر لك كيف ؟ ودّي اسألك لو ذا مطلبك
انتَ الجاني وترجع تشتكي . في محازي أو قصص والا حكي
إقسى علي إقسى .. بس كن بي لطيف
اعتذر لك كيف ؟
كان ذا يرضيك قول لي يا عنيد .. واطلب ما تريد
بمد لك يدي وانسى ما مضى .. بقول كان أوّل .. ولّى وانقضى
احترت في طبعك .. شتا والا خريف
اعتذر لك كيف ؟
