ما اكثرني بحبابي إذا نكون فالخير يضل رسمي ويبات بجناحهم عامر
شحال من صاحب نوجد وشحال من عشير
إذا كان طعامي في كل وقت حاضر
بيت:
بناولي بيت الخداعة والنقيب كيطير
اااه اي كيف الحوت المشرار يجري على الصنانر
هكذا اصحابي دارو جميع والناس
يوم فرغت يدي لا مال لا مراسم
مالقيتو منهم كايهزلي. بالراس
تقول شي عمرهم ماكناوني بأسم
اش ذا العار عليكم يا رجال مكناس
مشت داري في حماكم يا أهل الكرايم
اش ذا العار عليكم يا رجال مكناس
مشت داري في حماكم يا أهل الكرايم
صياح:
ياااه وين انا وين اصحابي
وين هما الصدقان
وين انا وين ولف العشران
وين اصحابي وين هما صدقاني
لا واحد منهم في اليوم الشدة بان
لا واحد منهم في اليوم الشدة بان
غابو طرقوا عليا بلعاني
ما عرفوني ما تفكروا لحسان
كانني جيت للمدينة براااااني
شي منهم ماتلا يلاغيني بلسان
شي منهم في كل ساعة يلقاني
شي منهم ماتلا يلاغيني بلسان
شي منهم في كل ساعة يلقاني
ويفكرني لخسيس عنهم مافي مكاني
كيف ننسى تلطامي في دروب مكناس
غربتي ومباتـي في دكاكن المدارس
اعياوا بيا خطواتي في اسواق الأبخــاس
والبيوت والفنادق وحصاير المجاااالس
اعييت في الليل انبات على النجوم عساس
وفالنهار نظل في باب الدراز جالس
منين استحسوا بيا طابت لهــم الجلاس
ردفووا عليا بالنهرات و النقــايم
المباتة بالشر ولا طعام عكاس
الفقر والغربة ولا صحبة شاتم
اش ذا العار عليكم يا رجال مكناس
مشت داري في حماكم يا أهل الكرايم
واش ذا العار عليكم يا رجال مكناس
مشت داري في حماكم يا أهل الكرايم
سبتي وهلاكي الاماااان في بن آدم
