яღ (ريم الـ هــ ـوى) яღ*
صديقي عطني الريشه
وقرب من يديّ العود
ابعزف لك انا حزني
وضيق الحال واوجاعي
яღ
تعال لبعضنا نشكي
ونترك هالحنين يسود
ما دامه بالهوا وضعك
يشابه حيل لأوضاعي
яღ
تعبنا نخفي الدمعه
عشان العيب والمنقود
يا كم مره مشاعرنا
تموت ولا لها ناعي
яღ
ندس الجرح عن عين
عباد ويدري المعبود
ليا شالت محانينا
رسايل مالها ساعي
яღ яღ ج̯͡أبـ ̨̥̬̩رٍ яღ яღ
ألا يا قلب متعبني
كثر ماهو غلاه يزود
كثر ماني على شانه
تعبت أغير اطباعي
яღ
عطيته من ربيع العمر
وتارك لي يباس العود
وانا من قبل لا عرفه
تمنّت ناس مرباعي
яღ
صحيح قلوبنا بيضا
ولكن الحظوظ السود
تحب من عشقناهم
بناسٍ مالهم داعي
яღ
سمعت ان العطا ينفع
ليامنا عطينا بجود
أنا قاعي تعيشني
واحب أطير عن قاعي
яღ яღ ج̯͡أبـ ̨̥̬̩رٍ яღ яღ
