Al Qubtan & Baha

1

هلم الهدوم والهموم واللعب

وصورة حبيبتي اللي بين الكتب

وهكتب لصاحبي اللي سافر جواب

هقوله ان صاحبك حبيبك تعب

و قرر يسافر

2

مسافر و فاكر هترتاح هناك

وتاخد صحابك وحلمك معاك

و مامتك و اختك و خالتك و اوضتك

هينفع تسيب اللي حبك وراك

1 هسافر و اجرب

2 بتكدب بتهرب

1 ما يمكن هتضرب

2 ما تسأل مجرب

1 انا جبت اخرى

2 يا واد لسة بدرى

1 ماتوجعش راسى

2 وليه تبقى قـاسى

1 وايه اللى فيها

2 ده فيها وفيها

1 بطالة و مشاكل

2 ده بجنيه بتاكل

1 وفكرك هينفع

2 ده ينفع وينفع

1 انا نفسى تسمع

2 وانا نفسى ترجع

ده فيكى يا بلدى اللى مش عند حد

ده بقى وسط عيلة و مشاعر بجد

هتتعب تلاقى اللي ياخدك في حضنه

ده فيكى الطيابة اللي فوق كل حد

وفين تاني تسمع يا عيني يا ليل

يا بلدى بحبك بناسك واهلك

وحقك عليا ارد الجميل