خليني أشوفك مرة تانية ولو ثواني
علشان أوريك إن أنا بقيت حد تاني
وعشان أقولك إني ما زعلتش عليك
ما بقاش في قلبي مكان خلاص متساب عشانك
في حاجات كتير من يوم ما غبت خدت مكانك
من يوم ما غبت وقلبي تقريباً نسيك
أنا فوقت خلاص
وقسيت على قلبي وعلمته يبطل إحساس
إنت عملتلي عقدة أساساً من كل الناس
ربنا يجازيك
وتعيش الجرح اللي أنا شفته واللي يخليك
تايه من بعدي ومش عارف تتلم عليك
ضيعت عمري عليك وما طلعتش بحاجة
كان لازم أبعد قبل ما أخسر كل حاجة
كان لازم ألحق نفسي وما أسيبهاش تضيع
كان فاضل إيه هستنى منك يعني تاني
هستنى إيه من حد ضيعني وآذاني
مش هشتريك عشان إنت متعود تبيع
أنا فوقت خلاص
وقسيت على قلبي وعلمته يبطل إحساس
إنت عملتلي عقدة أساساً من كل الناس
ربنا يجازيك
وتعيش الجرح اللي أنا شفته واللي يخليك
تايه من بعدي ومش عارف تتلم عليك
