Ilahi Teri Chaukhat Par Bhikhari Ban Ke Aya Hoon ..

Sarapa faqr hun, ijz-o-nadamat” saath laya hoon

Ilahi Teri Chaukhat Par Bhikhari Ban Ke Aya Hoon ..

Sarapa faqr hun, ijz-o-nadamat” saath laya hoon

Bhikari woh ke jis ke Pass jholi he na pyala hai

Bhikari woh ke jise Hirs o hawas ne mar dala hai

Mataa-e-deen-o-danish nafs ke hathon se lutwa kar

Sukoon-e-qalb ki daulat hawas ki bhent chadhwa kar

Luta kar saari poonji ghaflat-o-isyaan ki daldal mein

sahara lene aya hun tere Kaabe ke Anchal mein

Gunahon ki lipat se qaynat-e-qalb Dil ki Duniya se afsurda”

Irade muzmahil Kamzor himmat shikasta hosle murda

kahan se laon taqat dil ki sachi Tarjumani ki

ke kis janjaal mein Guzrin hain zindagi ki ghariyan

Khulasa ye ke bas jal bhun ke apni roo-siyahi se

Sarapa faqr ban kar apni halat ki tabahi se

Tere darbar mn laya hun apni ab zabun haali

Teri chokhat ke jo adaab hain main un se hun khali

Ye tera ghar hai tere mehr ka darbar hai maula

Sarapa noor hai ek mohabbat-e-anwaar hai maula

Teri chokhat ke jo adaab hain main un se hun khali

Nahi jisko saleeqa mangne ka wo sawaali hun

Zuban ghalt-e-nadamat dil ki tarjumaani per

Khudaya raham meri iss zabaan-e-ijz-zabani per

Ye aakhen khushk hain, yaa rab inhe rona nahi aata

Sulagte daag hain dil me, jinhe dhona nahi aata

Ilahi teri chokhat per bhikhari ban ke aya hoon

Sarapa faqr hun, ijz-o-nadamat” saath laya hoon

Sarapa faqr hun, ijz-o-nadamat” saath laya hoon

Thanks a lot for listening ,sorry for any mistake,

waseem mirza star maker