رايح مرهون، رايح مرهون على الهمية خضرة اللون
مسلسل مسجون ومنسي في غواني
سبابي هي، سبابي هي تخلويني صبحة وعشية
دارت عليّ ما كان شكون ينجيني
ديك البلية، ديك البلية قبيحة في افعالها وقوية
كي حليت عينيّ ما عرفت آش من واد داني
كثرت السية، كثرت السية مع الجيران ومع والديّ
خسرت النية عند اللي كانوا يعزوني
رايح مرهون، رايح مرهون على الهمية خضرة اللون
مسلسل مسجون ومنسي في غواني
خلوتها زينة، خلوتها زينة عندها نشوة شحال بنينة
ساعات تنسينا وساعات نقول أنا واش بلاني
حشيشة حنينة، حشيشة حنينة تدي للهلاك يا أخينا
الله يعفو علينا قول ربي إن شاء الله يهديني
طبيعة شينة، طبيعة شينة إذا حكمت ما تحن علينا
للموت تدينا هنا ولهيك تضحى خسراني
رايح مرهون، رايح مرهون على الهمية خضرة اللون
مسلسل مسجون ومنسي في غواني
يا ربي القهار، يا ربي القهار خرجنا من هاد القيفار
ذريات صغار عادوا ينفروا عيناني
واشن هاد العار، واش هاد العار دخل بلادنا بالقنطار
ما بقات عيار تخلطت أمة العدنان
شبان كبار، شبان كبار هاملين في هوى هاد القيفار
ضحاو بلا دار لا خدمة شبعوا المحاني
رايح مرهون، رايح مرهون على الهمية خضرة اللون
مسلسل مسجون ومنسي في غواني
يا الغاوي اخطيك، يا الغاوي اخطيك هاذ الهلاك غير ارمي عليك
شوف ما يليق بيك تبع أقوال الرحمان
يا يما يزيك، يا يما يزيك من البكاء نشفو عينيك
نعيا ونجيك وأنا من هاذي بركاني
دعوة والديك، دعوة والديك هي النجاة من هاذي وهاذيك
ما يغفلوا عليك طاعة ليهم بالإحسان
رايح مرهون، رايح مرهون على الهمية خضرة اللون
مسلسل مسجون ومنسي في غواني
يا يما ذقتي العذاب، ذقتي العذاب وأنا اللي كنت ليك سبب
خطيت الصواب يا كيتي أنا واش داني
