Pā hanu mai ka pua ehu o ke kai

E holu nape ana I ka lau kī

Me he leo 'a'ala I māpu mai

E heahea mau nei

Aloha ē

Aloha nō

Aloha ka hāli'ali'a mau

He nani ē

He nani nō

He nani ka nohona pili kai

Lauele ka mana'o I ke aumoe

Hia'ā I ka 'ulaleo o ke kai

Ka'iawe ka hā'upu aloha

E ho'omālie mau nei

Aloha ē

Aloha nō

Aloha ka hāli'ali'a mau

He nani ē

He nani nō

He nani ka nohona pili kai

He pilikana ka malu ulu niu

Hei mai ana me ka pōhuehue

A he wehi ho'i ko hi'ikua ē

E kāhiko mau nei

Aloha ē

Aloha nō

Aloha ka hāli'ali'a mau

He nani ē

He nani nō

He nani ka nohona pili kai

Puana 'ia no ke ehu o ke kai

Ia hanu 'a'ala o ke aumoe

Moe a'e ke ala e 'alo ai

E ho'olale mau nei

Aloha ē

Aloha nō

Aloha ka hāli'ali'a mau

He nani ē

He nani nō

He nani ka nohona

He nani nō

He nani ku'u home pili kai