अल्लड फुलपाखराला आकाशी जाऊ दे
आकाशी जाऊ दे
खुसपुसणाऱ्या मनाला सरगम हि गाऊ दे
सरगम हि गाऊ दे
रंगात या तुझ्या स्वप्नांना न्हाऊ दे
आशेचा रंग हा चढताना पाहू दे
माझ्या मनाला तुझ्या प्रेमात या वाहू दे
तुझ्या नावाला जरा माझ्या नावात हि राहू दे
हा वारा कानात हळूच माझ्या
सांगतो कविता तुझी घुटमळताना
क्षण सारे जसे साखरेचे दाणे
तुझी गोळी लावती विरघळताना
सवई साऱ्या जुन्या वळणावर जाऊ दे
रस्ते हे प्रीतीचे जुळताना पाहू दे
माझ्या मनाला तुझ्या प्रेमात या वाहू दे
तुझ्या नावाला जरा माझ्या नावात हि राहू दे
हो.. ओ.. ओ... हो...
रंग हा चेहऱ्यावर माझ्या
तुझ्या प्रीतीचा अनोखा
आरसा भासतो हा मला
तुझ्या भेटीचा झरोखा
नात्याची काच हि स्पर्शुनी पाहू दे
भोळिशी आस हि डोळ्यांना लावू दे
हृदयाची आंच हि भडकूणी जाऊ दे
माझ्या मनाला तुझ्या प्रेमात या वाहू दे
तुझ्या नावाला जरा माझ्या नावात हि राहू दे...
माझ्या मनाला तुझ्या प्रेमात या वाहू दे
तुझ्या नावाला जरा माझ्या नावात हि राहू दे... रे...
