ياغايب وسايب ذكرى معانا مابنجيش فى بالك وبتنسانا
ياريت حتى تسأل من بعيد لبعيد
ماتخليش فى فرصه لبعد بينا يزيد
مافيش سيره غيرك جايه معايا
طب ازاى هشيلك من جوايا
ده اكتر كلامى بيقى حبيبى عليك
ولو طال غيابك برضه مستنيك
صوتك صورتك ملازمنى
شايفك دايما قصاد منى
كل مكان بيك مفكرنى وقلبى عليك تملى يسألنى
ماشى بشوفك فى كل الناس
قاسى عليا قوى الاحساس
كل اللى عيشته بأيه يتقاس
بقيت من غيرك عايش وخلاص
احساسى برجوعك ده مخلينى
لا انا قادر اكمل باقى سنينى
وفكره غيابك عنى ماقبلهاش
هكمل حياتى معاك يااما بلاش
انا بصعب على اللى شافونى من غيرك
مش قادر حبيبى اعيش من غيرك
طب ازاى هعيش وانا عقلى وقلبى معاك
ممكن انسى نفسى حبيبى يوم ومش بنساك
صوتك صورتك ملازمنى
شايفك دايما قصاد منى
كل مكان بيك مفكرنى وقلبى عليك تملى يسألنى
ماشى بشوفك فى كل الناس
قاسى عليا قوى الاحساس
كل اللى عيشته بأيه يتقاس
بقيت من غيرك عايش وخلاص
