La ilalah kutang barendo
Nan tampuruang sayak babulu
Lah tamanung nan tuo tuo
Takana mudo nan dahulu
Antah manga gadih jo bujang
lah gilo raun tiok, hari
talingo lah samo basubang
nan bapakai imitasi
La ilalah kutang barendo
nan tampuruang sayak babulu
ranca manjadi sopir oto
tiok bulan bakawan baru
Saroman sajo kasadonyo
baiak jantan baiak batino
jalan sairing baduo duo
caliak dahulu mako disapo
La ilalah kutang barendo
nan tampuruang sayak babulu
nan lah malang tibo di ambo
tiok dapek indak katuju
Caliak lagak urang kini
antah apolah namonyo
lah malang nan gadih gadih
tiok diawai tiok bapunyo
La ilalah kutang barendo
nan tampuruang sayak babulu
lah tamanuang gaek agogo
takano mudo nan dahulu
Saroman sajo kasadonyo
baiak jantan baiak batino
dek tak tantu ujung pangkanyo
sansaro juo jadinyo
La ilalah kutang barendo
nan tampuruang sayak babulu
lah maradah sarang tampuo
elok dicaliak lah dahulu
Sajak dahulu sampai kini
barulah kini mulai tampak
lah manjadi bujang jo gadih
banyak nan tuo basipakak
La ilah kutang barendo
nan tampuruang saiak babulu
lah mengeleng nan tuo tuo
mancaliak mudo nan mandayo
Mangko tampuo barsarang randah
ba ula gadang di bawahnyo
nan tuo banyak basilengah
nan mudo balate angan sajo
La ilalah kutang barendo
nan tampuruang saiak babulu
latamanuang nan tuo tuo
nan banyak mudo lah mandayo
Usahlah hati di pagadang
nan tuo banyak nan tak suko
usah di pakai nan tak larang
beko awak kesansaro
La ilalah kutang barendo
nan tampuruang sayak babulu
Yolah asyik nan mudo mudo
di sangko nan tuo indak tau
Saramon sajo kasadonyo
baiak jantan baiak batino
dek tantu ujung pangkalnyo
sansaro juo jadinyo
