ها وها وها وها
جيناك بهاية
وأهلك وفاية
وهمّه الحجّاية
وللحق وفّاية
وأعلام وراية
يا هيبة ياهيبة
يالبيك أهلاً
يالبيك أهلاً
بس آمر لشلعلك عيني
رجلية أنطيك وجفيني
وأهديلك عمري وسنين
عيش وشوف بدنيانه
هي تربحك خسرانه
من ديّانه لدّيانه
فرحانة فرحانة الكل ومعيدة
الكل ومعيدة
الكل ومعيدة
طايح تجّوله
وأهلك فزعوله
قبل الهلهولة
ما بيهم لولة
ولعبولك جولة
يم ذولة يم ذولة الحق راد أهله
الحق راد أهله
الحق راد أهله
ها وها وها وها
جيناك الليلة
يمعدل الميلة
يالحجيك جيلة
الغثّك يا ويله
عبرة نسويله
العادانه العادانه عبرة نسويله
عبرة نسويله
بس أشّر بيديك وشوف
إنجيبه الغثّك مجتوف
إحنه من الصاحب ماأنعوف
إحنه الما بينا مخربط
بينه اليندك يتورط
إنّيشن صح وما نغلط
مانغلط ما نغلط بالكصة نحطها
بالكصة نحطها
بالكصة نحطها
نعجبك بالفزعة
لنطكه نوجعه
نخزيه يم ربعه
بالدم مو صنعة
ليوافي لضلعه
ولضلعي ولضلعي آني أنطي عيوني
آني أنطي عيوني
آني أنطي عيوني
ها وها وها وها
إبشر بالهدّة
مو إلنه الشردة
العاداك شحده
أبّطن أمه نرده
موضوعه نسده
ونشيله ونشيله من إذنه نشمره
من إذنه نشمره
عينك للملكا وفوت
كدامك يا خوية نموت
وياك اللوح التابوت
مانشرد لو نتحجج
عاين بالطك وإتفرج
تموز من الطك ثلّج
يعراق
ياغيرة بس إسمك كافي
بس إسمك كافي
بس إسمك كافي
وأفتحلك ساحة
وملاجة فلاحة
الينطك عالراحة
أتمسك بسلاحه
وإنكصله جناحه
ضم راسه ضم راسه الجان يعوعي
الجان يعوعي
الجان يعوعي
