Matagal kong inantay ang pagkakataon na to ang makasama

Ang makata sa isang kanta ko

Kailangan taliman na parang sumusulat sa bato

Eto ang isa sa lahat ng pangarap na dala ko

Pinagdaanang hirap halata nyo sa mata ko

Pinagpaguran lahat kahit na walang matamo

Ang industriya ay gubat pag namulat ka na bro

Ako ay naging mananabas sa masukal na damo

Nung narinig ko yung kanta mo grabe ang galing

Sabay sabi sa sarili yan ang gusto ko gawin

Balang araw sa entablado makakakanta rin

Hindi pala ganun kadali kapag meron kang hiling

Hindi nakapag kolehiyo

Walang pang matrikula

Pero inaral ang diploma mo't mga tinula

Hindi ko kakalimutan

Kung saan ako nagsimula

San man makarating lahat ng to

Laging panimula

Huwag kang matakot na magkamali

Kung maligaw sige tahakin mong muli

Lumaban ka kahit na magapi hanggang doon sa tamang panahon

Sa kada alis ko ay laging alisto

Sa biyahe ng pangarap nakikinig kay pollisco

Habang naglalakad ang baon ko sampung piso pero hindi huminto at ang lahat tiniis ko

Sarado ang pinto sa bintana dadaan

Oh kahit saan pa yan gagawan ng paraan

Maraming pwedeng mangyari basta mag abang ka lang

Pero wag puro abang pare kilusan mo naman

Isipin mo ay darating ang tamang panahon

Kahit mahulog ay kayanin mong gumapang paahon

Kung akala ng iba ang buhay mo ay patapon gulatin mo silang lahat pag lumabas ka sa kahon

Ngayon naniniwala na kong lahat ay posible

Pero alam ko rin na hindi to ganun ka simple

Kung gusto mo talaga pagsikapan mo maige

Pag ang panahon tumama hawakan mo ng mabuti

Huwag kang matakot na magkamali

Kung maligaw sige tahakin mong muli

Lumaban ka kahit na magapi hanggang doon sa tamang panahon

Di ako karapat dapat

Pero maraming salamat

Palaging naka handa na walisin ang mga kalat

Ipunin ang piraso

Dikitan ang mga lamat

Nakalista na atraso

Kulay itim parang balat

Sa puwet diket inggit nangmamaliit

Mawalang galang na teka lang sino ka nga ulit

Nangungulit don sa likod nangangalabit

Sumunod sa payong laging magpapakabait

Alisto direcho lagi di palihisto

Pangalawang pangalan aking pinarehistro

Sabi ng bago sa lumang trabaho panis to

Babagsakan ng apelyido ko na pollisco

Minsay naatasan akoy naabutan

Ng martilyo at pako tinibayan ang mga daan

Na kapag tinapakay kanilang matatandaan

Sa huli lahat tayo'y palaging mapapalitan hey

Huwag kang matakot na magkamali

Kung maligaw sige tahakin mong muli

Lumaban ka kahit na magapi

Hanggang doon sa tamang panahon