Karano biduak mandeh patah kamudi

Tapi dek ayah pandayuang bacampakkan

Bilo masonyo tajajak tanah tapi

Riak dilawan nak

Kanduang jo tapak tangan

Jikok tagamang kanduang suruik salangkah

Susah jo sanang itu pamenan diri

Usah nak kanduang salahkan pulo ayah

Ndak mungkin hujan nak

Kanduang baliak ka langik

Anak kanduang si biran tulang

Ubek jariah nak palarai damam

Doakan mandeh nak mancari pado

Nak tampak dahan tampek ka hinggok

Sungguahpun biduak mandeh patah kamudi

Jo tapak tangan kini mandeh badayuang

Bansaik dilahia nak kayo jo budi

Dunia akhiraik nak jo mandeh kanduang

Anak kanduang si biran tulang

Ubek jariah nak palarai damam

Doakan mandeh nak mancari pado

Nak tampak dahan tampek ka hinggok

Sungguahpun biduak mandeh patah kamudi

Jo tapak tangan kini mandeh badayuang

Bansaik dilahia nak kayo jo budi

Dunia akhiraik nak jo mandeh kanduang